[校園][純愛]《身旁的那一個》: 第八章

返到去夜晚msn嵐嵐

我:「點呀伯母係咪入返屋企」

佢:「依家都未返得去就死得啦

點呀想多謝我呢」

我:「真係好老套但你啲演技真係好自然」





佢:「唔係你估

禮物唔該」

我:「貪心

不過今日俾我發現到一樣嘢」

佢:「有乜驚天大發現」





我:「佢話你成日喺佢哋面前唱我呀仆街」

佢:「係呀咁又點呀

又唔係捏造事實」

我:「咁都叫唔係」

佢:「我算俾面你喇講咁少」





我:「傻傻哋明明我咁正氣

畀你咁樣冤枉

又話我狗又話我閪

收皮啦

佢:「邊個話你呀東哥

不如你試下開名」

我:「其實冇呀其實冇呀

唔好意思





屌我今日就係對住愷晴咁講

我當咗同你行咁樣」

佢:「哈哈一定嚇親愷晴」

我:「佢呆咗」

佢:「叻仔下次醒定啲唔好亂講野」

我:「同埋佢知道我識少少護膚嘢囉」

佢:「嘩咁犀利進展得咁快





佢都有同我講

話你哋食完行咗一陣」

我:「去附近睇下啫

我咪同佢講依家我啲洗面嘢都係你幫我揀」

佢:「你喺你女神面前講第二個女仔啲嘢

係咪傻架」

我:「我又冇諗咁多喎

咁佢問過點解會識少少，





咪直話直說囉」

佢:「佢都係話覺得你好搞笑

你都知㗎啦愷晴佢係有少少怕醜

不過熟咗其實冇嘢架」

我:「好彩佢坐我對面

咁樣好似易左傾」

佢:「你以為啦好彩





我特登架懵仔」

我:「下」

佢:「我咪叫你行先睇下坐邊嘅」

我:「係呀.」

佢:「我就係想你坐低先

之後我將書包擺去係你隔離個位

而我就會坐你斜對面，

愷晴佢好自然會坐我隔離

因為得返一個位，

咁你嘅對面咪就係愷晴」

我:「痴撚線有冇咁誇」

佢:「識做呢

唔該我要一件蛋榚」

嵐嵐個仆街好撚鍾意食甜品

特別係蛋榚

直至依家都係

成日叫佢因住越食越肥

咒極佢都唔成功

以前讀書年代，

有野搵親佢幫手，

事成之後佢次次都會屈我請食蛋榚

放左學兩個一齊去買咁樣

當然其實我都鍾意食嘅……

我:「得啦屌又屈蛋榚」

佢:「幫到咁都冇cake食

你係人唔係呀」

我:「唉算啦算啦」

我:「仲有

我哋係咁講起你囉」

佢:「叻仔諗話題啦

成日都講我有鬼用咩

你對住我好多野講架」

我:「個個都係你咩嵐嵐」

佢:「你真係俾面我喇」

我:「老實講丫

今日我同佢冇dead air嘅，

不過有時我都要特登諗啲話題

唔係對住你條粉腸囉

好自然唔使諗咁多」

佢:「咁係因為我同你識得耐啫」

我:「係啩唔知啦.」

佢:「不過聽佢口氣我都覺得佢對你印象都唔錯

有機會呀東仔」

我:「又唔好講到真係要溝女

我都係覺得佢幾靚啫

同埋都叫溝通到」

佢:「唔好扮嘢呀屎忽鬼」

我:「哈哈順其自然啦」

佢:「講得出呢句咪即係扮嘢」

我:「其實你真係好撚了解我」

佢:「唔係呀我唔係好了解你架咋

少少咁樣啦」

我:「你仲勁過我老母呀」

佢:「等我教精你啦東仔

你第日千祈唔好將呢啲說話講俾你個女朋友知

女人好棹忌呢啲嘢㗎

成日提其他女仔個名」

我:「使唔使諗到咁撚長遠」

佢:「唉鬼叫你唔用你個腦咩

陣間有咩事你咪又係搵我

你知你架啦成日都得罪人

個個好似我咁包容你咩」

我:「厚面皮到自己讚自己」

佢:「唔得咩」

我:「好啦好啦你最叻」