[校園][純愛]《身旁的那一個》: 第九章
之後返到學校都冇乜特別
係我同愷晴多咗嘢講
有時有一日會同佢加埋嵐嵐三個去食飯
或者加埋Betty，
不過要等Teresa陪男朋友食飯先會有呢個情況出現
如果嗰四個女仔喺晒度嘅話
我就唔會同佢哋食嘅
最後個壁報好順利咁搞掂
校長話好滿意
咁就得喇唔使驚，
亦都係因為呢個壁報搞掂咗
所以之後開班會個頻率就疏咗好多
而去到11月，
學校好似話創校50週年
我唔記得確實日子係邊日
淨係有印象嗰日係禮拜六嚟嘅
到時會喺香格里拉有個晚會
我心諗，
真係冇嗰樣搞嗰樣
仲要淨係俾中四同埋中六嘅人參與
初中好似淨係喺學校慶祝
中五要準備會考，
中七就要應付a-level，
頂你個肺即係玩嘢啫
不過有好多咸濕仔就好興奮
因為學校話到時會用抽籤形式
一男一女組成一組
大家同組有咩意義呢
好似話嗰晚你個partner就係佢
可以跳舞呀同埋同枱食飯嗰啲囉
咁當然啦，
唔係每一班都平均分配到一男一女
有啲多咗出嚟嘅同學咪撈埋其他班一齊抽
係咪黑箱作業就唔知啦
正正係呢個原因，
好多咸濕仔都好期待呢個晚會
睇下抽到邊個做partner
問心我就真係冇乜興趣啦
淨係知我哋班會因為咁而做多咗嘢
你知啦miss都係懶閪
整抽籤嗰啲嘢都係我哋班會成員搞
我哋班咁啱得咁橋有34個人，
唔係吹水真係啱啱平均分配
17男17女，
我哋要做嘅
就係喺嗰34支籤上面塗上17種顏色
每種顏色塗兩次
然之後將啲籤分開兩組，
男仔一組女仔有一組
抽到相同顏色嘅就係partner
嗰排我哋就係忙緊呢啲濕鳩嘢.
話說嗰個年代學生
如果唔打機就會開msn傾計，
有時夜晚我班朋友例如海狗呢啲呢
佢哋唔得閒嘅話咁我就唔會打機
多數都係開住msn上網
有人搵就傾計，
冇人搵就休息，
早啲瞓覺算數
我依家講得出嚟即係有人搵啦
嵐嵐:「使唔使聽日幫你做手腳呀
等你同愷晴可以抽到同一組
」我:「你有冇咁撚勁呀
咁都可以出蠱惑
」嵐嵐:「講笑咋應該唔得啦
嗰啲籤我哋成班一齊做嘅
你話我一手一腳做咁就話可以啫
」我:「哎呀咁你一個做晒呀嘛
」嵐嵐:「你都傻傻地
我大方啫不過未去到咁呀
一個人做晒你不如殺咗我算數啦
」我:「唔係啩
我哋嘅嵐嵐竟然有嘢難到佢
」嵐嵐:「唔使旨意用激將法
」我:「咁冇辦法啦唯有聽天由命
」嵐嵐:「仲唔畀我試到你
想同人一組咪講囉
」我:「咁點都好過同豬扒一組掛
」嵐嵐:「你講晒啦
一係就愷晴一係就豬扒，
邊有咁極端
」我:「我都係咁講啫
呢排我都煩緊樣嘢
」嵐嵐:「做咩呀屎忽鬼
」我:「咪要買西裝囉頂
我屋企冇呀，
我淨係得好細個做花仔嗰啲西裝
仆街啦依家咁撚大
，仲點樣著
」嵐嵐:「唔係喎我想睇
」我:「你都戇鳩點樣著啫
」嵐嵐:「快啲拎返細個張相出嚟
」我:「做咩呀
」嵐嵐:「拎嚟睇得唔得呀
做咩做咩，
唔通我攞嚟食咗佢呀
」我:「我頂你呀咁撚串
要搵下喎，
可能要問下老母
」嵐嵐:「好啦當你應承咗呀
」我:「係喎你條賤精買咗衫未
聽講唔止我哋要著西裝
你哋女仔都好似要有特定衣著.」
嵐嵐:「所以話你唔識嘢就係唔識嘢
一早買咗啦賤精
」我:「屌有冇搞撚錯呀
即係得我一個未買
」嵐嵐:「得啦我聽日陪你買
順便拎你細個張相
搞掂
」我:「係喎都好
你條仆街眼光都唔錯我信你
一於咁話
」嵐嵐:「唔係呀我眼光好差
」我:「我信你多過海狗囉
佢條友肯定叫我買泳褲
你話晒都係一個女仔平時仲要識襯衫
信你好過信佢
」嵐嵐:「我頂你丫咩叫話晒都係一個女仔
有靚女陪你買衫呀
執到啦你
」我:「哪裏來的自信
咁又係嘅如果係賓仔一定扯晒旗
」嵐嵐:「咁就唔知喎我又唔係佢
」我:「佢又真係好聽話
你任屌佢都唔嬲
」嵐嵐:「冇用架唔鍾意就唔鍾意架啦
」佢條友真係好絕，
不過大個咗就明佢咁樣做都啱嘅
男女關係，
真係果斷啲比較好
跟住我即刻問老母
有冇我細個張相，
我費事又畀佢問
簡單講話學校做project就算
結果佢真係搵到我細個做花仔嗰啲相
我:「搵到張相呀聽日畀你
」嵐嵐:「嘩東仔好勁做到嘢
唔係平時烚下烚下咁樣
」我:「你都short short地
你就烚下烚下
」嵐嵐:「擺落去銀包度呀聰明人
如果唔係你就會唔記得架喇
」我:「你使唔使咁撚醒
咁都畀你知道
即刻擺先.」
嵐嵐:「唔係你估
」我:「真係變態都唔知要嚟做乜
」嵐嵐:「梗係攞嚟打小人
警告你呀唔好得罪我.」
我:「痴線你講真定講假
我信你條友做得出
」嵐嵐:「你都傻嘅
我講得出嚟梗係真啦
」我:「我就唔迷信嘅
未撚驚過夠膽你就打
」嵐嵐:「傻仔嚟嘅真係
」