[校園][純愛]《身旁的那一個》: 第四十五章
過完相嗰陣都夜晚
無啦啦見到有人msn搵我，
今次係愷晴
佢無啦啦問我有冇相機，
我費事同佢解釋咁多喇
話有就算
愷晴:「好彩咋因為我部相機壞咗
仲未去買部新嘅，
你有嘅話你聽日可唔可以帶出嚟呀
」我:「ok呀冇問題
」愷晴:「咁好啦聽朝見啦
」我:「早唞，
拜拜
」愷晴:「拜拜
」第日我約咗佢十點半出發去玩啦，
去到目的地見唔到佢
之後我就去便利店買水，
我哋嘅嵐姐教路嘅
買完出嚟就見到佢啦，
愷晴:「sorry呀唔好意思呀遲咗少少
」我:「我冇嘢冇嘢唔緊要唔緊要
」愷晴:「好搞笑呀你講親都重覆
」我:「唔係啩
畀支啲水你先
」愷晴:「咁醒嘅你
入面買好貴呀
成日都嚟玩㗎
」我:「唔係呀其實我唔係好鍾意去呢啲地方玩
係我以前同屋企過嚟玩過，
記得入面啲嘢好貴囉
」講真嗰句其實我話唔鍾意係真心嘅
因為真係好撚多人
特別夏天呢咁鬼熱仲要咁多人
唔好話畀錢，
請我都唔去
愷晴:「哎呀咁你今日唔講嘅
」我:「一次半次冇所謂啦
同埋你應該鍾意玩掛
見你好少主動約人去邊度嘅
今次特登講迪士尼咁就估你應該幾鍾意
」其實使乜應該呀，
嵐嵐講得就應該係啦
不過我記得愷晴冇同我講過佢鍾意去迪士尼
所以費事講到咁肯定
愷晴:「係呀我覺得跳跳虎好得意
」我:「到時同佢影相囉
係咪會有啲濕鳩嘢彈出嚟周圍嚇人跟住影相
」愷晴:「你講到咁恐怖嘅哈哈哈
」我:「真係丫嘛屌
會無啦啦衝出嚟畀佢嚇死
」愷晴:「有你部相機就啱晒
」我:「係呀，
我哋去啦
」愷晴:「嗯.」
禮拜六朝早冇乜人搭車，
梗係啦邊好似我呢啲傻仔
放假都會早起身，
死火啦，
我無啦啦諗到一樣嘢
就係我唔知愷晴平時放假係咪都係咁早醒
我以為我同緊嵐嵐出嚟
之前我都講過啦，
嵐嵐放假都係好撚早起身嗰啲人
我知呢樣所以我有時會約佢早啲出，
不過今次愷晴唔知係咪呢
我:「啱啱無啦啦諗到樣嘢，
唔好意思呀咁早約咗你
」愷晴:「唔緊要喎，
早啲就少人啲
唔使排咁耐隊
」我:「我平時同嵐嵐呀海狗呀呢啲出嚟呢就早啲嘅
我知佢兩個蛋散好撚早醒
唔知你係咪，
唔好意思
」愷晴:「海狗我就唔知啦
嵐嵐我哋大家friend開玩開就知多啲，
我冇佢咁早起身㗎
」我:「sorry sorry唔好意思
」愷晴:「冇所謂呀唔緊要呀
」睇嚟以後同佢出嚟嘅時候，
個時間都係唔好咁早
如果有下次嘅話，
冇幾耐我哋就落車，
咁就開始玩啦，
愷晴真係純粹鍾意卡通人物
機動遊戲其實好少玩，
佢主要都係睇野多
去禮品store嗰度睇啦，
又或者睇嗰啲唔知乜鳩劇場
講真其實我就唔鍾意嘅，
不過冇所謂，
咪當陪下靚女囉係咪先
佢有問我鍾意玩咩嘅
我話冇所謂啦求其啦，
所以之後佢就話去睇嘢，
我喺入面淨係講過我唔玩跳樓機
其他就叫佢話事啦，
愷晴:「點解唔玩嘅
」我:「好撚驚呀真係
」愷晴:「咁唔好玩呢個啦.」
我哋除咗睇嘢仲有影相
不過就冇上個禮拜我同嵐嵐影得咁多，
我估愷晴就住影
唔似得嵐嵐條友使人唔使本，
正仆街
愷晴:「東仔你影得唔錯喎
呢幾張都幾靚
」我:「你個人靚啫
」愷晴:「痴線又關事
」跟住佢就怕怕醜醜擰歪面做第二樣嘢
幾鬼cute唔係講笑，
呢啲鏡頭一定唔會喺嵐嵐身上發生
佢條友肯定話「多謝
」我:「我都唔識影嘅
真係你靚女搭救
」愷晴:「扮嘢咁都叫唔識影
今晚可以擺上去qooza
」後生一輩可能唔知咩叫qooza
我冇解讀錯嘅話，
Qooza係一個畀人寫blog嘅地
，大致分咗兩類人，
第一類就係寫blog嘅人啦
第二類就係我呢啲
唔會寫不過會係咁去人哋嗰度睇，
大家可能會以為我係睇嵐嵐啦
今次真係唔係
你見我呢個故仔，
講到依家都仲未講呢樣就知啦，
事關我係唔知嵐嵐有冇玩qooza
我睇開嗰啲人就搵唔到佢有喺下面留言囉
咁當然，
係因為我睇開嗰啲人同佢都唔friend
海狗嗰啲呢，
仲有一班男仔
好自然佢唔會喺嗰啲人個qooza留言
平時無啦啦開口人哋都好尷尬㗎嘛
所以一路都唔知，
愷晴唔係今日同我講，
我都唔知原來佢有玩
說實話我依家都唔知有冇人用
但係喺我哋讀緊中學嘅年代，
Qooza係相當hit
當然啦除咗寫blog之外，
仲有相簿function嘅
我:「原來你有玩㗎
」愷晴:「有呀你呢
今晚add你做friend好唔好
」我:「好
」就係咁，
我就拎咗愷晴個qooza
即使我哋嗰個年代雖然已經有facebook
其他人我就唔知，
我哋圍內入面呢，
通常都會選擇喺qooza打自己嗰啲感受出嚟
真係好似日記咁樣，
一兩日就會打一次blog
有時我都係透過呢個渠道了解啲八卦嘢
只可惜後來唔知咩原因冇人玩嚕
等我今晚返去睇下愷晴個blog先.