[校園][純愛]《身旁的那一個》: 第五十四章

我哋去到餐廳就坐低

冇幾耐就見到籃球佬過咗嚟，

點頭同我哋示意就行過嚟我哋個位

講下我哋點坐先

當時係一張四人枱





我同嵐嵐對坐

之後籃球佬就坐咗喺嵐嵐隔離

而我嘅左前方就係籃球佬

籃球佬:「唔好意思呀遲咗少少」

我:「我唔好意思就真啦





阻住晒」

跟住我隻腳feel到畀人踩咗一下

就見到坐我對面個女仔啤住我

籃球佬:「哈哈哈哈」

feel到佢有啲唔自然





籃球佬:「我唔好意思就真啦東仔

無啦啦話同你哋食飯」

我:「放心啦我好求其嘅啫

你唔介意就得啦」

籃球佬:「傻啦，

點……會介意」

佢真係有啲緊張唔自然

口窒窒





嵐嵐:「死人頭

你唔係有嘢想問人㗎咩」

籃球佬:「下嵐嵐你叫我」

好彩叫咗啲嘢未嚟，

如果唔係我一定笑到噴飯

我:「唔好玩啦Oliver

佢點會咁樣叫你」





籃球佬:「係咩原來係咁呀

想問咩呀」

我:「我無啦啦講開

我唔知你隔離條友有冇同你講啦

我同佢就會做天才表演嘅司儀，

所以呢我就知道你會揀唱歌

我係想問點解年頭唔玩依家先玩啫」

嵐嵐跟住喺度陰陰嘴笑





籃球佬:「做咩呀咁好笑」

嵐嵐:「冇呀，

係囉點解嘅」

呢個時候我都陰陰嘴笑

我:「純粹八卦啫

唔想講可以唔講」

籃球佬:「咁奇怪嘅你哋喺度笑





我冇呀

純粹係諗住咁多年都冇玩過呢啲比賽，

有friend講開咪一齊玩囉

下年都已經會考，

唔好彩嘅話可能已經要轉校

咁咪諗住趁依家仲玩到就玩下咁樣囉」

講真，

嗰陣我諗住窮追猛打問落去

明明我就係問緊點解年頭唔玩依家先玩

佢都冇答到

不過算啦費事激嬲人

好日都唔同佢食飯大家好嚟好去就算.


等等下大家嘅嘢都嚟齊

咁就可以食喇，

嵐嵐:「蟹柳唔食畀你」

跟住籃球佬好似發現新大陸咁樣

瞪大對眼望住

籃球佬:「原來你唔食蟹柳」

嵐嵐:「係呀」

籃球佬:「原來係咁」

其實嗰餐飯原本我係想等佢哋兩個傾多啲計，

咁但係我發現籃球佬相當緊張

我點解咁肯定係緊張

除咗我前面講嘅口窒之外，

佢成程都唔知點咁樣

我亦都知佢本身唔係咁嘅人

如果我唔講嘢呢，

成場就一定好尷尬

所以我都冇理到籃球佬嘅存在

好似同嵐嵐平時咁食

講下講下就講到歌，

話晒下個禮拜嘅天才表演有九成人都係唱歌

嵐嵐:「我哋嘅東哥唱得咁好聽都唔唱」

我:「唔好咁講我都係垃圾嚟

Oliver咁唱得我淆底唔敢做佢對手」

籃球佬:「未唱過你都知我勁

你又玩我啦東哥」

嵐嵐:「我見過咁多人，

好似好少人唱陳柏宇同埋關心妍嘅」

我:「係喎講開又講」

籃球佬:「嵐嵐原來你鍾意陳柏宇」

我:「佢好撚鍾意㗎」

嵐嵐:「係呀做咩」

籃球佬:「我見你平時MSN有show你聽緊嗰啲歌

成日都見到佢嘅歌」

我:「好留意人喎」

籃球佬:「有嘢唔明嗰陣問佢睇到啫」

嵐嵐:「我話你聽丫Oliver

對住呢條友講嘢要小心啲，

稍不留神佢有位即入

賤」

我:「Oliver其實你隔離嗰個都係咁」

籃球佬:「你哋真係好friend

唔怪得我中三嗰陣成日都見到你哋一齊」

我:「少少咋」

嵐嵐:「ok啦」

我:「食糖先.」

跟住我就拎咗粒薄荷糖

嵐嵐:「一粒唔該」

按照慣例我都係成盒畀曬佢

籃球佬:「嵐嵐你好鍾意食薄荷糖」

嵐嵐:「ok啦」

我就咁睇，

籃球佬呢一餐佢嘅得著

應該就係更加了解嵐嵐呢個人嘅喜好同埋習慣，

我見佢幾次都係特登問

睇人溝女真係好搞笑.