她的伴奏者: 9
9
一如既往返學日，都係同以往一樣，除左第一個星期五Orch我要落去幫手睇場…
「呢度差一張凳！」
「書包擺課室！！！」
「印譜啦！！！」
喉嚨都痛埋。但呢個pose真係好有意義，雖然最初唔想做，但宜家都算係為學校貢獻自己可以貢獻嘅嘢。
我見到子瑜係Orchestra，插班入黎就即刻做首席，真係好勁…
「喂點啊首席，咁勁得唔得㗎？」
「你都幾勁吖，每行排少3張凳」子瑜把口真係好鬼串
「第一次係咁㗎啦，Practice makes perfect, 好似你首Variations咁」我回敬
「屌你啦，埋位喇」
不得不說，子瑜認真嗰陣真係好認真。
佢認真個樣有種魔力，瞳孔都好似帶光，好自然會俾佢吸引左…
回歸現實，我依然俾人點，喺Hall不斷遊走。慶幸嘅係，大部分都係小事，而排練太陽落山前就完左。
等大家都走完後，我躺在空無一人的禮堂看著奶白色的天花板，不自覺地笑了。我笑自己終於不再那麼獨來獨往，終於可以和別人有更多交流；我笑自己可以為所愛的人預備最佳的地方去做她最擅長的事。
「變態佬對住天花板傻笑做乜啊？」
「妳未走咩？」
「等你吖嘛」
「妳都係想我煮飯啫」
「我係真心等你㗎」
「係咯一定係咁啦」
我倆背起書包肩並肩走出禮堂。餘暉打在我倆身上如同片片黃金，照耀著身旁亭亭玉立的她。學校早已睡去，只剩下微弱的燈照著路。
「我都未試過留到咁夜」此時已經七點
「大把機會啦你以後」
「我唔多想咯…」
倆人你一句我一句，終於走到了大馬路。
「星期五唔煮飯啦，去邊度食？」我問
「我無所謂啊…」
「咁得啦」
大家估唔估到我同子瑜去邊度食啊？就係花園餐廳喇。
「高級西餐，又有格調，好唔好先？」我問
「屌你xyznfjejdjf…」廚房傳出悅耳的方言
「都幾高級喎…」子瑜攞住油淋淋嘅餐牌苦笑
「佢啲嘢好食㗎，信我啦」
「咁我試下西冷啦」
結果未食到一半，子瑜已經話
「下次一定要再黎」
「舊肉咁淋嘅，正啊」
「其實呢度好平民㗎咋」我細細聲講
「我覺得呢度幾好喎，又唔使介意啲餐桌禮儀」
「係咩，我成日同腎虧明黎呢度食㗎喎」
「佢會唔會又跟蹤我地㗎…」
「唔會啦，佢應該返左屋企」
睇黎雖然同子瑜熟左，但佢都係唔想同居關係咁多人知…
「多謝$250」
「呢度吖」「呢度吖」
「邊個啊？」侍應好唔耐煩咁問
「我啦」我一把搶過帳單
結果食完飯子瑜當無事發生過。
「你係唔係應該俾返少少…你明㗎啦」
「俾你個頭，頭先唔係咁樣點逼到你俾錢？」
「？？？？」
「係咁㗎啦，唔滿意？我同你阿媽講咯」
「得，我錯。」
我倆走在海濱長廊上，我有一個大膽的想法。
「你又話今晚不醉無歸嘅？」我問
「黎咪黎，怕你？」
「好啊，睇妳個樣都廢㗎啦」
「咩啊，我不知幾勁？」
「咁妳入去買酒啦」我慫恿
「你…你買啦」她開始緊張
「其實我未飲過酒…」
「我都未…」
氣氛突然尷尬…
結果我地只係買左幾包零食同汽水返去。
「呼啊～終於星期五喇」
「係啊，可以休息吓」
「無得休息啊，再唔練就趕唔切」
「仲有幾個月喎，你唔係2月先考咩」我問，因為我驚我都練唔切
「如果可以梗係提早考啦」
「吓…妳玩我啫」
「你…得嘅」子瑜已經開左包薯片食
「噗嘶～唔好對我咁大期望，我唔識同人夾的」我開左罐可樂飲
子瑜毫不客氣大大力坐落張梳發度睇電話，我坐係地下玩fifa。
「喂！幾時到我用電視啊？好悶啊」子瑜踢我
「練笛咯，你最鍾意㗎啦」
「十一點幾練笛，咪玩啦」
「係咯，妳都識講咪玩啦，咁你咪訓覺咯」我繼續望住電視講
「不如你教我玩呢個F-I-F-A？」
「妳認真咩？我驚聽朝妳都未識玩喎？」
「屌你啦，當我廢咩？我都識少少足球嘢㗎」
係咯，淨係知踢90分鐘同碧咸係靚仔吖嘛。
「紅色隊係唔係一定係曼聯？」
「點樣先係越位？」
「開波可唔可以十二碼點開？」
「點解呢隊波有忍者龜嘅？」
我就黎激死，用我僅餘嘅耐性教佢啲制。
「X係傳波，O係射波，撳越耐越大力，正方形係高波，三角形係瞄準傳球」
「瞄準傳球同普通傳球有咩分別？」其實好難答
「Welcome to the match, with me…」Alan Smith開始講嘢，我都廢事同子瑜解釋
「你自己試下咪知咯」
「吓？」
結果子瑜開波先，一開波佢啲球員就郁都唔郁。
「方向控制啦」我提子瑜
「喔，喔喔喔？？」子瑜玩fifa個樣真係好好笑，同佢平時反差極大
「入左！入左！」佢突然大叫
「It’s an own goal! What was the player doing????」
「哈哈哈哈哈哈哈，妳做乜鳩？」我笑到趴係度
「屌…」
「唉屌…笑死我」我笑到碌地，估唔到佢係高分低能
「咁我點知係射右邊喎…」
「妳見唔到無人防守妳啲球員㗎咩」我啱啱笑完
「又係喎！喂唔得啊，呢球唔計」子瑜開始耍賴
「唔計咪唔計，我會怕妳？」
「讓我三球得唔得先」
「哇，咁妳咪好著數，我無甜頭喎」
「咁你搵啲嘢罰我先咯」
「咁我搵吓先…」我淫笑
「唔好搞我啊！」子瑜護著自己
結果，我喺雪櫃搵到老豆走之前留低嘅一排青島…
「妳先飲一罐，到最後如果輸就飲兩罐，我都係」
「哇，你又話無啤酒嘅？」
「咁啱搵到，爽啦」
我地又繼續玩…