她的伴奏者: 10
「其實我又點會無飲過啤酒啊」子瑜突然說
「其實我都飲過啦…」我說
「咁你頭先又扮無飲過？」
唔通我話因為怕醜唔想買而唔買咩？
「因為我配合妳話未飲過嘛」
「係咯肯定係咁啦」
「He shoots, WHAT A GOAL!!!!!!」
「Yeah～我終於入波喇」子瑜大叫
「係啊，計埋我讓你三球妳仲係輸緊4-5」我放盡水佢都係入到一球
唔好問點解咁大比分，為左增加遊戲體驗我將遊戲長度改左做20分鐘。
「你飲一罐啦你～唔飲我打柒你㗎！」
「哦，我又無話唔飲，妳係唔係醉啊？」
「咩醉啊～你醉啲喎，我梗係無醉…」
子瑜開始行唔到直線，差啲撞落部電視度…
通常醉嗰啲人都會話自己無醉…
「不如妳去訓啦，咁醉」我拉住佢
「都話我唔醉咯，dllm」佢揈開我，東歪西倒
「喂，妳都係去休息啦」
「我知你想點㗎！我知你鐘意我，想等我醉左先搞我吖嘛，我知道㗎。我同你講，我…」嚇死我，原來佢知道我鐘意我，好彩佢未講完就訓低左
頂…佢一條友飲左4罐啤酒，中五喎。
俾佢老豆老母知道我真係死無全屍。
我抬左佢入房，然後執返出面嘅爛攤子。
唉，呢場波最後都係踢唔完。
其實我飲完都有啲醉…所以我都去左訓。
第二日，起身嗰陣頭仲有啲痛，但唔知點解隔離有啲嘢…
我擰頭望左一下，WTF？？？
子瑜訓左喺我隔離，仲要訓到就黎跌落床。
咁我本能反應梗係拉住佢，結果子瑜就醒左。
大家靜止左10秒，佢終於識叫。
「點解我會係你張床㗎？！」子瑜抱住自己大叫
「我…我點知喎」
「我同妳尋晚….啊啊啊諗唔起啊」我地兩個都斷晒片
「痴線梗係無啦」
「…」
「望住我做咩？」我問
「頂…你尋晚丟低我落床嗰陣我好似醒左，跟住以為仲係客廳就行返房，點知行錯」子瑜好似諗起一啲不堪回首嘅回憶
「即係我係清白啦」
「但你都有做錯！知道又唔搬走我」
「我都係啱啱先知咋…」
「唔理你啊，哼」
女人真係麻煩，少少嘢都咁嬲
Well，呢單嘢如果唔係我跟就真係好大獲。
「喂…喂」佢走左入廁所，一去就係成個鐘
但明明水聲30分鐘前已經停左
唉，女人的傲嬌。
「出黎啦，對唔住咯」我拍門說
「唔出啊，除非你離開呢間屋」
「好好好，我走」我扮閂門
子瑜真係出左黎，我梗係即刻截住佢。
「走啦你，我唔想見到你啊」
「點解？就算我做錯妳平時都唔會好大反應㗎」
「…」
「上次我咪講過我唔係A0嘅」佢開始眼紅
「係吖」
「我中四嗰陣同過一個男仔拍拖，佢真係好靚仔，又對我好好」
「點知…點知佢係為左同我…」子瑜說到這裡已經開始啜泣
「對…對唔住，我真係唔知原來妳咁有陰影」
「我好記得佢話同我溫習嗰陣，佢一入到間屋就拉左我入房…好彩我掙扎走左」子瑜講到個身都開始顫抖
「妳唔想講，妳可以唔講唔使勉強自己㗎」我拍拍她肩膀說
真的很難想像眼前這個萬人迷有那麼難堪的一段歷史。
唔知點解，我保護佢嘅慾望越黎越大。
「我…我知道你無對我咁，但我真係仲好驚」子瑜終於忍不住爆發情緒
「無事㗎，我喺度，即管喊」我攬住左子瑜
喊左足足十分鐘，又係一聲尷尬打破寂靜。
「咕～」
「走啦，去食飯，我請妳」我拉著她說
「喂唔得啊，要執執個look先」
「落樓食個茶記都要化妝？」我嘆氣
三十分鐘後…
「得喇行得」
「早餐都過晒啦…」
「咁不如直接食lunch？」聽到呢句我係無眼睇
「brunch好唔好？」我沒好氣地問
結果我俾佢拉左去嗰啲打卡cafe。
間嘢食嗰啲都係普通西餐但賣貴20蚊…
仲要等成個鐘先有位。
見到個價錢牌都唔多開胃…
「哇，個餐好靚啊」女人果然都係吃貨
「使唔使幫你影相啊」我問
「要啊，影靚啲唔該」
我影相都有啲料到嘅…
「影得幾好喎，哇呢張咁得意嘅～」佢講嘅呢張係頭先佢飲latte成嘴泡想舔走嗰一刻
「梗係，知我咩料啦」我自豪地說
「即刻po IG先」話時話我仲未知子瑜個IG
「你個IG係咩啊？」我好奇地問
「呢個～」佢show左俾我睇，都有500個follower
唔夠5分鐘，我就收到個notifications：
「@tszyu_. 在一則帖子裡標注了你」
個post就係頭先我影嗰啲相…
「一個慵懶的下午，有他同在。」
喂大佬，擺明做我啫。成班狗公又要搞我都似。
「妳可唔可以唔好打啲咁曖昧嘅嘢？」我問
「清者自清吖嘛，你咁驚做乜？」
「我邊有驚？」
但我應該後悔俾佢tag我的。
十幾個notifications不停彈出黎，食餐飯根本無停過。
「唉咁多狗公reply妳嘅」
「係咁㗎啦，我都唔想，但要做個social啲嘅樣去認識新朋友嘛」
「…」
求求其其食完貴飯，我地決定今晚屋企打邊爐，於是就去買餸。
「腎虧明話黎喎，妳要唔要邀請個friend啊？」
「哦，我睇下點」
「唔好掛住睇電話啦，一陣街市撞跌妳部iPhone落啲魚度就真係喊都無謂」串人係一貫本色
「你把口真係歹毒到…唔怪得無女」
「你唔係女？都啱嘅」
「你…你好嘢」
男生先拔頭籌，掂。
「一磅肥牛，唔該」
「要埋呢兜丸唔該」
「多謝$200」
「呢度吖」「呢度吖」又係咁
「點啊先生小姐，我後面仲有好多客㗎」
「得啦我俾，妳去諗吓買咩菜」
結果我轉個頭佢去左氹海鮮檔個阿叔。
「啲蜆平啲俾我啦～唔該你啦哥哥」
「咁好啦，見妳係靚女咋」
阿叔個老婆喺隔離啤住阿叔…RAP