《😭你無法知道大數據年代擦不上榜努力寫作的作家在哭😢》完☑️☑️☑️: 😥😥😥😥😢😥😢😥

如果你有睇過下買流量嘅plan，最平嘅就係每個月184蚊，可以為你個網址（篇文）帶嚟每日五百人氣，同時亦都係五百點擊，對於普通人嚟講，你知道呢樣嘢就夠；至於嗰啲專業術我就唔講喇，你哋有興趣可以喺下面問。

呢個係乜概念？每日五百人氣根據我之前所講就係個榜嘅Top5喇！自己去睇下而家頭五名有啲乜嘢文喺度？184蚊，只要每個月鋸少一塊似樣嘅扒，同女朋友食少餐下午茶，呢個數目就夠你成為專業人氣作家（真專業，唔似我呃人氣）！嗱，你哋啲學生哥，小朋友，有父母sponsor，經濟環境無理由差過啲日日嗔無錢交租，印書蝕錢嘅專業作家嘅（而且我知道琪嫂好通情達理，知道自己條仔寫嘢寫到一坺坺，一定會理解隻腳趾公點解要同佢食少餐Tea。）；由今日開始，每月184蚊，每日都只係六蚊咋！每日食少串魚蛋，食少枝雪條，食少半包QQ最鍾意嘅公仔蝦餃，你篇文就可以同大作家平排！

重諗？你唔課，就有其他人課！與其課網紅妹妹，課網遊抽卡，課傳說skin，課PTGF，不如就課落自己嘅大作度啦！自己都唔重視自己嘅作品，又點會有其他人重視呢，幾大知名網絡作家都係咁教你㗎！只要肯畀錢，就唔使日日定時定候更文，保證流量穩定，名次穩定，除非死server，如果唔係都唔會載浮載沉。好趁早嚟爭凳仔喇，蘇州過後無艇搭，到時個個都課你篇文就唔使指擬上到top10！

咪住咪住！唔好諗住每月184蚊好貴，只要你登記做收費作家，就日日有錢收！只要篇文上到頭五，一個月收入就有180-300，即係！你係唔使錢幫自己擦流量之餘，甚至係有錢賺㗎！原來啲大作家就係靠咁樣先有錢開飯！呢個簡值就係bug嚟呀！趁而家個網競爭咁細，流量咁少，重唔去行動？講講下就連自己都心郁郁想課贏呢篇膠文打贏篇垃圾QQ！最憎啲所謂網絡爛作者…

同埋，你哋嘅付出對整個網絡生態都係有所謂建設嘅；每日500，一個月就有15k流量，只要有十個人課就有150k，差唔多可以令到個小說網嘅流量翻倍，咁佢嘅廣告收入就會double，然後繼續有錢派！係咪好似永動機咁呢？只要你肯課，錢就會繼續嚟，生生不息，直到永遠，呢個就係由Google所帶領下嘅現今網絡生態環境，你可以唔同意，但唔可以唔識！





最後祝　貴作者虎虎生威，筆筆生風，橫財就手，左右逢源，前後通用…

敬頌　文褀

爛喵謹啟