《😭你無法知道大數據年代擦不上榜努力寫作的作家在哭😢》完☑️☑️☑️: 😥😥😥😥😢😥😥😢

嚟到呢度，終於要講下點樣擦人氣喇，拖到嚟呢度先講，就係唔想呢篇文成為流於空泛嘅批鬥玩嘢文，亦唔想太多路過嘅人睇到我講呢啲咁污糟嘅話題，我諗睇到嚟呢度嘅『你』都係一個認真而有返啲學識嘅人。

你問我點樣用手擦？欵…呢度係唔會講嘅，想識就讀多啲書，呢篇文唔會教你寫image orientated programme，唔會教你用Python同JAVA寫瀏覽器插件，唔會教你改router firmware令到佢有automatic VPN switching嘅功能…因為我都唔識，咁我點解可以自己擦？唔話你知…

人氣作家要賣廣告，無聊人要自high，學生要追逐夢想，寫嘢唔掂嘅人要安慰自己，重有我呢個爛作者鍾意塞喺榜㧻眼㧻鼻，既然咁多人想上榜，大家就一齊嚟啦，玩爛某小說網，玩爛啲所謂資深網絡作家為止！

要知道而家個網已經唔見咗好多讀者，即係話真人氣已經低到嚇死人，只要你有少少假人氣已經可以贏到，想入頭十暫時每日有二三百人氣就好穩陣，呢個數字就係擦緊榜嘅人買返嚟至少嘅數，而係頂嗰啲，咪畀多少少錢買夠五百為止囉，人哋大作家大把錢啦，點會拘泥呢啲小數目，最重要係全世界見到佢個名，理得你哋啲學生幾有夢想，理得嗰啲真有熱誠每日更文嘅傻仔，理得你哋啲唔係賣文為生嘅人。

重要嘅係，佢哋啲文喺度講乜道義，講乜公平世界，講乜熱血努力，講乜永不放棄，講乜淒美愛情；而現實中嘅佢哋只不過係一個俾金錢吞噬嘅靈魂，清楚知道呢場遊戲要贏唔係靠文字而係靠錢，我衷心希望佢哋可以課贏埋某隻爛喵，因為隻喵實在太黑人憎…





買人氣其實好簡單，上網㩒幾下就可以轆卡埋單，呢度介紹一個相對出名同多人用嘅，就係貪心狐狸，greedyfoxes（加www.com就上到），唔係想幫佢賣廣告，如果你搵到類似嘅平台都係一樣用法，只不過呢啲嘢好多時都係一分錢一分貨，你諗諗如果個平台死ser一日，你篇文就會由top十跌到落底，你話幾樣衰呢…

其實有樣嘢我最唔明，啲所謂大作家FB，IG號隨時有上萬fans，點解重要買bot擦？叫啲粉絲幫手㩒下link咪得，有十份一都上千攞榜一啦，唔通啲fans唔睇你篇文嘅，係咪？點解嘅呢？

下章應該完。