［愛情純愛］我地之間嘅友誼純度絕對等於零！！！: 13. 只屬於我們的回憶

李逸彤伸手摸一摸手機，拎出手機，手機螢幕一亮，見到沈心怡send咗message比佢

「你睇咗啦？同邊個睇呀？」沈心怡reply李逸彤嘅story問道

李逸彤望住沈心怡嘅提問一笑，然後悄悄地㩒開喺相機，偷偷地影咗邱旻顥send比沈心怡，仲要set做只可以睇一次

沈心怡瞬間就seen咗李逸彤嘅message，好快咁send咗個回覆：「原來係同人地睇～好啦唔阻你～」

望住沈心怡嘅回覆，李逸彤除咗無奈地笑都唔知可以答啲咩





「偷笑啲咩呀？」邱旻顥唔知幾時行到李逸彤嘅身旁

「你幾時企喺度？」李逸彤比突然出現喺自己身旁嘅邱旻顥嚇咗一嚇

「啱啱行過嚟。」邱旻顥輕輕挑眉，一臉疑惑咁望住李逸彤，「做咩咁驚？做咗咩虧心事？」

「我可以做咩虧心事⋯？」李逸彤笑一笑問道，接住喺心裏道：「唔計偷偷影咗你send比心怡嘅話⋯」

「行去嗰邊睇下？」邱旻顥指住另一邊，兩人朝另一邊行去





其實大家都冇特別中意睇書，只係想打發下時間，亦只係單純地想製造屬於兩人嘅回憶⋯

李逸彤跟喺邱旻顥嘅身後，伸手輕輕地捉住佢嘅衣角，但好快又將手鬆開

「做咩？」邱旻顥感覺到自己比李逸彤輕拉一下，於是回頭望向李逸彤

「呀？」李逸彤怔了一怔，然後喺下一個瞬間露出笑容，「啱啱你件衫痴咗條線，幫你整走佢啫～」

「哦。」邱旻顥對李逸彤笑一笑，輕易地相信咗李逸彤嘅謊言





喺回過頭後，邱旻顥微微耷低頭，偷偷一笑

時間差唔多6點半嘅時候兩人就去咗食飯，食完飯搭車番屋企

兩人一同番到佢地住嘅大廈，然後一同行入電梯

「我地星期一見～」李逸彤喺電梯差唔多到25樓嘅時候講道

「嗯⋯！」邱旻顥嘅反應慢半拍道

「咚、咚！」

電梯到咗25樓，邱旻顥行出電梯，回頭望向李逸彤

「拜拜。」邱旻顥對李逸彤講道





「嗯，拜拜！」李逸彤講道

「李逸彤！」喺佢嘅指尖要掂到關門嘅㩒時，邱旻顥又將佢叫住

「嗯？」李逸彤頓時伸手㩒住開門制

「番到去話我知。」邱旻顥提醒咗一句，笑一笑

「嗯⋯！知啦。」李逸彤怔了一怔後笑道

「拜拜。」邱旻顥再一次對李逸彤講道

「拜拜。」李逸彤嘅手鬆開開門制，㩒一下閂上嘅制，電梯門隨即閂上





喺電梯門閂上嘅瞬間，李逸彤嘅臉頰泛起紅霞，不禁笑起嚟

「只係差7層樓咋嘛～」李逸彤無奈地笑着講道，但心裏卻覺得好有安全感

李逸彤番到屋企後嘅第一件事，就係拎手機出嚟send一個message邱旻顥

「番到屋企」

邱旻顥見到李逸彤send嚟嘅message，嘴角微微上揚

⋯

「哈哈哈哈⋯！」沈心怡拎住手機趴喺床上睇緊綜藝節目，正笑得高興

「咚咚！」





螢幕嘅上方忽然間彈咗一個通知落嚟

潘景諭：做咗中文嗰份文言文WS未？

沈心怡將本來橫向嘅手機擺正，㩒入Whatsapp覆潘景諭嘅message

「做咗，你要？」

潘景諭：想要Q.6，唔識做

沈心怡起身行到書枱前，從書包中拎出放住功課嘅file，拎出嗰張完全冇摺痕嘅文言文WS放到枱上，拎起手機對住WS影咗要相send比潘景諭

潘景諭：Thx





沈心怡將WS收番入功課file入面，將file收番入書包入面，然後灘番落床

潘景諭最中意問沈心怡借功課，因為沈心怡最可靠，唔怕會借唔到，亦唔怕會做錯晒題目

沈心怡灘喺床上，開番啱啱睇緊嘅綜藝節目繼續佢嘅休息時間

潘景諭坐喺書枱前，望住沈心怡啱啱send嚟嘅功課，搵到Q.6後望咗一次沈心怡寫嘅答案後左改啲右改啲咁寫喺自己嘅WS上




IG Link: https://www.instagram.com/nd_cotttoncandy/?hl=zh-tw