(和也依然一動不動咁背貼大石,雙手欲攬住麻,諗緊好唔好借勢表白,不過突然有一個沙灘波飄咗過嚟,麻美唔知係咪怕有人會過嚟,所以就彈離和也)

「頭先嘅唔算數,你當無事發生過,我哋喺大家面前就好似平時咁,好唔好!」麻美佢突然由臉紅紅變返做平時開朗活潑咁,真係好似無發生過事咁。

(麻美話已經揾到條手鏈返去先,和也亦前後腳返去,不過就一路行一路回味頭先嘅一吻)

當無事發生過?根本就無可能,嘴對嘴?真係忍唔到?做到咁講到咁咪就係(我鍾意你)嘅意思咩?

似乎水原嘅出現睇落係令麻美死心,但係事實上係妒忌心燃燒起麻美嘅鬥志,呢個應該就係所謂嘅橫刀奪愛。





(和也一返去,和也枱面嘅電話就響起,係木之下女士打嚟)

「係嫲嫲打嚟,我去一邊聽個電話先。」究竟嫲嫲打嚟咩事呢?

(和也去聽電話期間,大家決定玩遊戲,而輸咗嘅人就要玩pocky game)

「女朋友同學,你塊臉好似有啲紅,無唔舒服嘛?」木部見水原有啲呆滯就問一問。

「無事呀,可能無咩點飲過水所以覺得有少少熱,我飲啖水應該會好啲。」水原講完就飲啖水。





(水原為咗唔掃大家興,所以勉強住自己,其實水原的確係作感冒)

(返嚟和也呢邊)

「嫲嫲,我係和也呀。」
「和也呀,下個禮拜,我就可以出院啦!」
「誒?」
「姐係話,我可以隨時同千鶴公主見面。」

再交代多句,嫲嫲就收咗線,原來嫲嫲終於都要出院,姐係話我同水原嘅關係就快要結束,都好嘅,終於可以唔洗再呃嫲嫲。





(和也似乎有啲失落咁返去大家度,一返到去木部就要和也玩懲罰遊戲)

「你仲要女朋友同學等你幾耐呀?」木部突然就怪我,我頭先因為麻美嘅事而發咗呆,都未攪清楚咩事:「我要水原佢等我啲咩呀?」

「講好咗,輸咗嘅人就要玩pocky game,女朋友同學輸咗,和也你走開咗,姐係不戰而敗,你哋係男女朋友,一下就攪掂啦。」雖然木部係咁講,不過要我同水原玩pocky game,仲要係麻美面前,我真係做唔到。

(水原嘅感冒每況越下,開始頭昏腦脹,迷迷糊糊咁瞌埋眼就擔住支pocky面向和也)

誒?誒誒?真係得?水原係想速戰速決?我明啦,只係玩個pocky game,根本就唔會真係錫到,所以根本就唔洗在意咁多,玩就玩啦!

(和也都瞌埋眼硬住頭皮開始咬支pocky,咬到咁上下,為謹慎起見,和也停一停開眼確認一下條pocky仲有幾長)

弊!呢種距離?水原塊臉同我好近!唔得!我唔可以再會錯意。





(水原感覺到和也停左落嚟,於事都開眼眼神堅定咁望住和也,而和也都感受到水原嘅決心)

水原佢係信任我先至會同我玩呢個遊戲,只要記住我哋之間係無未來就可以克服,我決定好要講出嚟。

(和也突然企起身同大家發言,水原都呆住咁望向和也)

「其實係咁嘅,我同水原好快就會分手㗎啦。」我笑笑口咁對大家坦白。

(所有人都震驚望住和也,不發一言)

「所以我無辦法繼續玩落去,我知我咁講會好掃大家興,不過我都唔可以再難為水原,係咪呀水原?」我講完就望一望水原,好擔心唔知水原會俾咩反應。

(其實水原留意到和也手都震埋,應該係鼓起咗好大勇氣,所以水原就和應咗和也)

「總之就係過咗熱戀期之類,中間亦都發生咗唔少事,我同水原係一早有共識,所以大家唔洗在意我哋,繼續好似平時咁一齊玩。」我好努力咁打圓場,希望唔好太破壞今次個旅程。





(木部嬲爆爆咁行去和也度,然後就一拳打到和也坐喺地,大家即刻上前制止木部,而麻美就去關心和也)

「喂,死仔,你以為自己係邊個呀?」木部目露凶光咁問我,究竟又有無人可以話我知又咩事,我幾時得罪咗木部。
已有 0 人追稿