出租女友: 《二十話 情感的覺醒》

（和也同水原一齊登上木部為佢哋準備嘅觀光船，一上船水原因為感冒嘅關係，腳步浮浮咁靠牆扶住行）

「你無事嘛水原？你睇落去好似好辛苦咁。」水原嘅情況真係令我好擔心，仲要上船搖。

「我無咩事，只要係船上訓返覺就會無事。」水原佢明顯係死撐。

「真係好對唔住，我真係諗唔到去過短旅行都會搞出咁多麻煩事。」我知依家真係講咩都無用，不過除咗道歉仲可以講咩。

「我已經講過，你今次所做嘅決定係無錯嘅，唔洗再道歉，你唔係忘記唔到前女友咩？係咁啲話就盡全力去爭取佢。」雖然水原真係好唔舒服，不過水原都好認真咁對我講。





究竟係咩驅使水原做到呢個地步？

「真正嘅自己係唔需要租返嚟，唔係你自己講㗎嘛？如果你有所追求，咁就不如將一切通通都捨棄去追，咁樣先會有快樂人生。」水原講完之後望住廣闊嘅大海，不過追女仔姐，唔洗講到咁深奧掛，點都好，我都好感激水原。

「無咩其他嘢，我入船裏面休息下先。」水原有型咁講完人生哲理之後就變返就死咁入船艙先。

正如水原所講，我落船之後就會同麻美表白，好對唔住呀木部，浪費你一番心意，我同水原並唔係你想像中嘅關係，我都係時候人去睇睇以原咩情況。

（水原獨自一個坐係長櫈上低頭閉目休息）





水原面色睇上去真係好辛苦咁，我仲由朝早開始就拉住佢四周圍走，我真係責無旁貸，不過點都好，今次係我同水原最後一次嘅約會，至少到咗最後嘅時候，我唔想水原再咁操心。

「之後嘅事，水原你就唔洗太擔心，我會好好向大家解釋。」我隨便向水原講啲嘢，等水原可以放鬆下。

不過只係混混沌沌咁望咗我一眼，然後裏合返埋眼。

「估計我嫲嫲傷心就在所難免，不過我哋本身就唔係情侶，無辦法啦！仲有喺大學我唔會再同你講嘢，出門口會盡量避開扔垃圾時間之類，總之我唔會再租你，唔會再租水原千鶴㗎啦。」希望水原聽完可以放下心頭大石，好好休息下。

（和也褲袋嘅電話響起）





「呀，唔好意思，我出去聽一聽話。」唔知邊個打俾我呢？

「唔緊要，我自己一個休息下就得。」水原咁講我就速去速回，始終水原真係越來越唔妥咁。

(和也去到船尾聽電話，原來係麻美打嚟）

「喂，麻美？係咪有咩事？」
「和也同學，你依家得唔得閒？」
「嗯，都有少少時間嘅。」
「你嗰邊有啲嘈，你係度做緊咩呀？」
「哦，無，我出咗去外面姐！」根本就無可能同麻美講我同水原一齊。
「我有嘢想同你講，依家…可唔可以見個面？」
「唔…依家唔係幾方便，不過過多一陣就會有時間。」
「要等幾耐？」
「大概兩三個字之後。」




「我知道啦，我會等你，無論等幾耐我都會等你。」
「嗯，咁我哋喺邊度見面好？」
「泳池，我依家喺酒店嘅泳池度，我會一個人等你，一直等到你嚟。」

（和也一聽到泳池，就回想起麻美喺海灘大石後面錫咗自己一啖嘅事，因而發咗下呆）

「喂喂？和也同學，你有無聽到呀？」

（另一邊水原開始暈船浪，所以都去船尾靠住其中一邊欄杆吹吹風）

（突然，觀光船遇到個大浪劇烈搖咗一下，意識迷糊嘅水原因此失咗一下平衡）

（咚）

「有人跌咗落水呀。」




「係一個頭髮長長嘅後生女嚟。」
「佢睇落似係自己一個。」

（和也好快就注意到船上嘅騷動，綜合唔同人嘅資訊，和也連手上嘅電話都鬆開，身體好似完全無經思考咁，衝去圍觀人群中，跨過欄杆，一躍而下）

究竟點解我會做啲咁嘅事？我自己都諗唔明，或者我潛意識注意到啲咩？明明水原千鶴係Part-time GF，係架空嘅，係暫時嘅，係不被允許嘅，但係我…

（和也一路向下游，終放見到水原，然後一手拉住水原，將水原緊緊抱入懷中）