出租女友: 《廿三話 預謀的陷阱》

（經常一個心動值爆標嘅夏天，和也又重返校園生活。）

（同樣喺呢個學生必經之路，和也同樣地遇到一之瀨千鶴，和也信守承諾打算低頭默默經過）

「咦！佢咪係嗰日喺海邊大學前輩嗰班人嘅其中一的？千鶴你有無印象呀？」水原嘅友人問水原。

（突然被人點相，和也停低咗落嚟，望住眼前一之瀨模式嘅水原，和也竟然都有面紅心跳嘅感覺）

「無印象，完全唔識呢個人，我哋快啲行啦，就快遲到啦。」水原拉友人急急遠離和也。





水原都做得好啱嘅，我哋最好就係扮到素未謀面咁，咁樣就可以避免再有咩麻煩事發生。

（和也自己一個人去到個比較靜嘅地方放鬆下心情）

「喂，你等一陣呀。」回頭一睇，原來係水原。

水原？水原跟住我？

「我想問你咩意思呀？喺大學入面眼甘甘咁望住我，唔該你下次就算我嘅朋友認得你，你都要死口話唔識我，離遠見到我就兜路走。」水原不停對我抱怨。





「好對唔住，我明白㗎啦。」我完全明白水原嘅說話。

「轉死性呀？平時嘅你一定會講「你無視我咪得囉」又或者「應該係你唔係我面前出現」之類強詞奪理嘅話。」水原疑惑咁手指指對我講。

「對…對唔住。」唔知點解，除咗對唔住我都唔知對水原講咩好。

「算啦，總之我哋一定要結束呢段拖泥帶水嘅關係，我都準備好今個週末就同我嫲嫲講我哋（分手）嘅事，你應該都準備好㗎啦！」水原交代完轉身就走。

（水原一走，和也就鬆一口氣，腳都軟哂咁坐係梯級度）





點解會咁？以前我同水原講嘢會咁緊張嘅咩？個腦又思考唔到！至少對住一之瀨模式嘅水原唔會咁先啦。

之後海邊返屋企嗰晚又係咁，明明一開始夢見麻美，但係之後就一直夢見水原。

（和也諗到開始抱頭大吵大鬧）

「死蠢記住，水原係用錢租返嚟，因為我被女飛好寂寞先租佢，就係咁簡單。」就算再講多一次，我個心依然跳得好快。

果然我真係已經對水原…！？

（週未來臨，和也奉命陪同去接木之下太太出院，上咗車無耐，和也就發現行駛方向唔多對路）

「爸爸，我哋去緊邊？」我問負責揸車嘅爸爸。

「係慶祝出院嘅病癒旅行，我預約咗對內臟疾病有療效嘅袐湯溫泉旅館」嫲嫲滿心期待咁代爸爸答我，換言之今次旅行係嫲嫲策劃，我無拒絕嘅餘地。





（和也一家終於嚟到秘湯‘梨木館’）

呢度睇落都唔錯，就當係好好放鬆下減下壓。

「我嘅朋友唔知到咗未呢？」嗯？嫲嫲話朋友？唔通除咗我地一家，仲有其他人？

「有啦有啦，小百合妹妹！」嫲嫲好高興咁衝去呢個由旅館入而出嚟嘅人。

誒？佢咪係…水原嘅嫲嫲！！

「點解一之瀨嘅嫲嫲會喺呢度嘅？」我好緊張咁大聲問嫲嫲。

「做咩咁大聲呀和也，好失禮呀，一之瀨妹妹佢同我同一日出院，我見機會難得又咁有缘，所以就邀請埋一之瀨妹妹。」好多謝嫲嫲詳盡嘅解釋。





（和也仔細咁左顧右盼）

唔見，四圍都唔見，照計水原有嚟啲話，禮貌上佢都應該要跟一之瀨嫲嫲一齊出嚟打招呼至啱，再加上我嫲嫲無問水原點解唔出現就可以推測到嫲嫲事前就知水原嚟唔到之類。

「和也，呢條鎖匙你嘅。」嫲嫲遞條鎖匙俾我，但點解要俾鎖匙我？

「我唔係同嫲嫲，爸爸媽媽你哋同房咩？」我直接問嫲嫲。

「呢度嘅四人房只係得一間，而且係高級客房嚟，和也你都大個仔，而且你都唔會想一之瀨妹妹佢一個人住普通客房嘛，係咪！」嫲嫲佢幾時都咁自作主張，不過都無辦法。

「咁我就去自己間房先啦，你哋就好好休息啦。」我好好道別完就去揾自己間房。

（和也一離開，木之下女士同一之瀨女士就露出不懷好意嘅目光）

其實普通客房都好大好靚呀，不過算啦，反正我都到咗唔再痴屋企人嘅年紀，一個人更加可以好好放鬆下。





（和也行到去自己嘅客房，打算用鎖匙開門之際，就發現房門無鎖到）

「嗯，無鎖到門嘅？」我先仲個頭入房睇下咩環境，完來係無人嘅。

（雖然和也見唔到有人，不過茶几上面有人食過迎賓點心同飲過茶）

「搞咩呀，等我仲覺得呢度唔錯，點知到咗呢個鐘數房都未執好。」唔理咁多，坐低唞吓先
，一陣再叫人嚟執。

諗返起，一之瀨嫲嫲同我嫲嫲心情都幾好咁，睇嚟水原都未將（分手）嘅事話俾一之瀨嫲嫲知，不過為咗水原，我點都要喺今次温泉之旅同嫲嫲交代清楚。

（突然洗手間嘅門柄拉低，有個人行出嚟）

「嫲嫲，你可唔可以幫我整下頭髮呀！」





係水原？點解水原會係度？而且水原仲要係著住浴衣係洗手間行出嚟？