因為個火山孝子，我識左對孖妹: Ch.15

我沒理會淇淇說的歪理，一心只想著我的Martin… 這句好像怪怪的。

「咁我嘅Martin仲係得半支咋?」我望著肥軒。

「我講過唔會走數，呢啲遲先講啦，大家有冇興趣落去食糖水?」肥軒突然轉移話題。

「又食?你唔係啱先食完野咩?」

肥軒人如其名，略為肥胖，身形是我的一點五倍，他的胃應該也是我的一點五倍。



「食粥邊夠飽啊，食埋糖水就差唔多。」他的活力絕對不像早上還在大病的人。

「食糖水，正喎。」淇淇興奮地說。

我望望窗外，天色已經漸變金黃…

「唔啦，而家咁晏，又搞左成日好攰，我返屋企先，聽日仲要返工。」我拒絕了肥軒。

「吓，乜咁晏架啦，咁我都唔食啦。」淇淇道。



「一個二個都唔食，我一陣叫食物熊貓算。」肥軒沒趣的說。

我與淇淇一起離開肥軒家，走到升降機前…

淇淇按了向上的按鈕，她應該是住在肥軒的上層。

「你住肥軒樓上，你唔驚佢上嚟搵你架?你都知佢有幾die hard架啦。」我問淇淇。

「你都傻嘅，我都冇講我住幾樓，點搵到我啊。」



幸好她還有點腦袋，要是肥軒知道她的住處，後果連我都想像不到。

「係喎，你頭先講嗰個Martin係邊個嚟?」她問。

她也聽到我剛才提到Martin，誤以為Martin是個活人。也對，沒彈結他的人怎會想到Martin是支結他。

「講你都唔識架啦，仲有我地應該唔會再見，問嚟托咩?」

的確，今天過後我們已經沒有任何理由再見…

叮…升降機開門，是往上，淇淇走進升降機…

「嘿，我地會唔會見，之後你咪知囉。」說畢，升降機門關上。

她說這句是甚麼意思?我無從考究，將這句話拋諸腦後。



我的家與肥軒家只有一河之隔，這一隔也分出私樓與公屋的差別。

回到家沐浴更衣後便睡死在床上，直至翌日鬧鐘響起…