因為個火山孝子，我識左對孖妹: Ch.58

「淇淇…唔好走…唔好再離開我…」

我嘴裡念念有詞，我捉緊眼前的淇淇，雙手抱著她…

「阿峰…放手先啦」她說。

「唔放…我唔會再俾你走。」

「你認錯人啦，我唔係家姐啊。」她又說。



聽到後，我鬆開手仔細一看…眼前的人是蒂蒂，我身體下意識向後，氣氛變得尷尬…

「唔好意思，我以為…」我不敢望著蒂蒂。

「唔緊要，你飲醉左啫，你瞓返低唞下先啦。」蒂蒂搖搖頭說。

我看一看蒂蒂，又望望四周，發現我身處在自己的房間。

「點解我係度嘅?我唔係同肥軒飲緊酒咩?」我問。



「Sandy搵阿軒先知你地飲醉左，係Sandy打俾我叫我扶你返嚟。」她解釋。

她遞了一杯茶給我:

「飲左杯薑茶先啦。」

「唔該你送我返嚟…」

「唔洗…我以前飲醉你都係咁幫我，而家到我返幫你啫嘛。」她淺笑的說。



「係你同我講飲酒傷身架喎，做咩飲咁醉啊?」蒂蒂溫柔的問。

「生日啊嘛，開心咪飲得多。」我回答。

「唔洗呃我啦，我都試過唔開心，係咪諗起家姐?」

我沒有回應，過了一會我問蒂蒂她是怎麼忘記我的…

「其實要完全忘記一個你愛過嘅人係冇可能…」她說

「咁你而家仲係…」我不敢說出那幾個字。






「但係你可以選擇生活重心放係工作、家人、朋友，就算嗰個人一直係你心裡面但都唔會係生命嘅全部。」她沒有理會我繼續說。

想不到蒂蒂居然認為愛情不是生命的全部，曾經看過她為了愛死去活來，又看過她敢愛敢狠的性格，還以為她的價值觀是戀愛大於一切，是我誤會了她嗎?

「其實呢樣野都係你教識我，我以前以為得唔到自己愛嘅人成個世界就會冧，係你話俾我知身邊仲有其他人關心我，唔一定係戀人，朋友都可以關心。」

原來是我改變了她，說起來當初也是我叫淇淇放下執著，如今我又改變了蒂蒂的價值觀。每當我跌落谷底陷入泥濘，她們都會用我說過的話拯救我…這一切都是巧合嗎?

「我試過照常生活，都仲係會諗起佢…」我又說。

「咁你試下改變你嘅生活，嘗試多啲野，你嘅諗法就會變得唔同。」她說。

我從沒想過改變生活方式，自從當社畜後，每天如是，開始變得麻目…

因為蒂蒂的一席話，使我有了新的想法，想脫離現有的生活，我最後決定離開香港…



我現在的生活圈子其實都是圍繞在舊有的朋友，都是與淇淇的共同朋友，看到他們有時仍不禁會想起淇淇，因此我選擇了離開這個舒適圈…

今天肥軒一眾人來送我機…

「洗唔洗個個都嚟晒啊…」我望著他們。

「唔知幾時再見啊嘛，咁梗係嚟見最後一面啦。」Sandy說。

「我又唔係去好耐，一兩年啫嘛，仲有家陣咩年代啊，要見隨時facetime咪得。」我說。

「你個死仔，突然話飛去澳洲working holiday，都唔知係咪去搵淇淇。」肥軒說。

沒錯，我是去澳洲，因為澳洲那邊有親戚定居，方便照應才選擇去澳洲。至於是否找淇淇，我當初選擇時並沒有考慮過，畢竟我會離開是因為想忘記她…



「講左好多次唔係囉，同你講都晒口水。」我無奈的說。

我和他們又閒聊一會，我望望時鐘，時間差不多…

「我夠鐘入去啦。」

「你唔等埋Charlotte啊?」Erica說。

「佢今日應該唔嚟架啦。」我說。

我離開香港一事最先就是告訴蒂蒂…她說支持我的決定。她說她最怕離別，所以甚少送機，包括淇淇離開時她也沒有去，她今天沒有出現也是我預料之內。老實說我也不知道用甚麼心情跟蒂蒂告別…

就這樣我離開了香港，踏上新的旅程…