【校園】【愛情】【0甜】【日常】能讓我重遇你多一次嗎..: 第七章

「估到係邊個啦，柔姐。」我好醒咁講
「車，都唔好玩嘅，咩都俾你估到」阿柔扮晒嘢咁話。
佢叫做柔柔，係我哋班嘅班長，亦都係我哋班社交能力最強嘅女人。
咁多年來啲人追佢，佢都冇接受過任何人，佢只會同佢哋講：「唔好意思，我已經有鍾意嘅人。」不過幾乎冇人知佢鍾意邊個，所以大家都冇乜再理過呢樣嘢。
「喂係喎，俊仔，聽日星期五有個例會要開，你OK嗎？」佢咁啱醒起同我講。
冇錯啦，佢同我都係同一個學會嘅人，不過佢係主席。
「我諗應該OK嘅，我返去會同阿妹講吓。」我諗咗一下，再應佢。
「又阿妹，而家阿妹重要過我啦，人情冷暖啦。」佢挑逗得來帶點呷醋。
「係㗎喇，鬼叫屋企冇人煮飯咩。」我講完之後嘆咗啖氣。
「得啦得啦，知你叻啦，使唔使話俾全世界人知你識煮飯啊。」佢有啲諷刺咁話。


之後我就冇理到佢啦，嗱嗱聲聽完個早就瞓着咗。
「Gareth wake up!!」英文老師Ms Yau有啲不滿咁叫我。
「乜你琴日好夜瞓咩，平時都好少見到你上堂瞓覺，出去洗個面之後再返嚟。」佢面露有啲擔心。
跟住我死死氣咁慢慢行過去廁所，聽到廁所傳出奇怪嘅笑聲。
「gag,gag.gag…….」有個人好奇怪咁笑
不過我對於呢把奇怪嘅笑聲已經見怪不怪，
一定係傻強上堂去廁所玩手機。
「喂，阿Sir嚟啦。」我大聲咁講。
佢即刻收聲，然後慢慢喺廁格行出嚟。
「你痴線㗎，咁多嘢唔玩，玩呢啲。」佢好驚咁同我講。


之後我係咁笑佢，佢都好尷尬咁收咗聲。
跟住我同佢都返咗課室。
「叮叮叮」小息鐘響
我仲瞓緊覺嘅時候，突然間有人拍我個頭
「起身啦光頭王」突然間傻強扮周星馳打我個頭。
「發神經，瞓得好好地搞乜嘢。」我好嬲咁望住佢。
「瞓瞓瞓，你豬嚟㗎」佢笑我
「唉你當係啦唔好煩呀。」我不厭其煩咁講。
跟住我又瞓番啦。
「小心冷親呀，成日瞓覺唔着褸。」有把好溫柔嘅女聲