【校園】【愛情】【0甜】【日常】能讓我重遇你多一次嗎..: 第六章

出門之後我同阿晴一齊等𨋢。
等緊嘅時候，阿晴問我：「其實你幾時先可以同阿彤講你鐘意佢呢？」
我聽到之後，沉思左一陣。
「鍾意人哋就唔好咁啦，成日唔嗲唔吊。我身為你個妹都想見到你同阿嫂喺埋一齊。」佢嘆咗下氣同我講。
「記得我講過啲咩啊，之後就交俾你啦，潘俊軒！」佢講完就走左出𨋢
我一邊行，一邊諗。
「如果我真係同左阿彤表白，佢會唔會拒絕我或者當我講笑呢，啊啊啊好亂啊～～」
突然間我feel有人好大力拍落我背脊。
「喂，傻仔俊，返學又唔叫埋我。」傻強拍完之後講。
「你先係傻仔呀，晨早流流係咪想嚇死我呀，咁大力拍落嚟！」我有啲嬲咁講。


「又嬲，見我咁靚仔份上唔好嬲啦。」佢扮Q咁對我講。
「妖，行開啲啦，呢招氹女就得。」我反佢白眼講。
然後架巴士終於到啦。今日都幾好彩，架巴士冇咁多人，平時企都有困難。
我同傻強上咗車之後，上咗上層坐。
佢拍一拍我，講：「阿俊，你望下前面條女，好似幾正，瘦瘦地，個波又唔算細，幾白淨，唔知邊間學校呢。」
唔知係咪佢feel到有人望住佢，佢不時擰咗個頭過嚟，咁啱show到心口個校章。
「呢個好似係我哋隔離嗰間學校啲女。」阿俊興奮左一下。
我心諗呢條友又開始喺度發春啦。
講講下，差唔多到學校附近嗰個站。
睇一睇隻錶，好彩仲有啲時間。如果唔係，又要跑返去。


每行一步，我都諗緊芷彤喺屋企點，仲有冇唔舒服。
諗諗吓，又返到學校啦。
「叮噹叮噹」學校打第一個鐘
由於我同傻強係唔同班嘅同學，所以冇行埋一齊。
忽然之間覺得有人拍咗我膊頭一下，但係又見唔到有人。
「你估下我係邊個，嘻嘻」有一把女聲喺耳邊講。