【校園】【愛情】【0甜】【日常】能讓我重遇你多一次嗎..: 第十二章
「快啲起身啦，懶！瞓！豬！」阿彤不停搖醒我
「仲好早咋喎，俾我瞓多陣先啦」傻咗咩，咁早就起身
「再唔起身就趕唔切架啦，你知你架啦，洗頭加食早餐，依家唔起身，邊趕得切喎」阿彤谷起塊面，然後翹埋雙手
「好啦，傻妹，依家即刻起身，然後食完早餐一齊出門口啦。」如果我再唔起身，俾佢斬都似
我一邊洗頭，一邊喺度諗。如果有一日，我或者佢消失咗，大家會唔會去搵返大家？都係唔好諗咁多啦，最緊要而家大家唔會離開大家先。再唔出去就會俾人斬㗎啦。正當我諗住換衫出去嘅時候
「點啊諗緊啲咩啊？」阿彤無啦啦開門入咗嚟
「嚇死人咩」我即刻着返好條褲
「見你沖左咁耐，入嚟睇吓你係咪浸死咗咋」佢開始留意到有個小帳篷出咗嚟
等等先，標題話咗呢個係純愛故嚟嘅，甜就一定冇㗎啦，不過踩下邊界都可以嘅。
「死鹹濕鬼，沖個涼下面又硬咗」阿彤即刻扮睇唔到咁，將個頭轉去另一邊
「咩啊，咁男仔朝早會晨勃你都知㗎，同埋你先係啊，無啦啦衝入嚟」我即刻着埋件上衫，然後望住佢
「咁我都係驚你趕唔切食早餐餓親咋嘛」佢好委屈咁低着頭講
「好啦，一齊出去啦傻豬，再唔係真係趕唔切食早餐啦」我摸住佢個頭，一邊拖住佢出去，唔好問我點解咁大膽，因為我都唔知點解會拖
不過今日嘅佢特別可愛，同埋佢好似越嚟越痴身，拖着嘅時候佢都拖得實一實，驚死我會走咁
「快啲食嘢啦，阿哥」阿妹一邊食一邊講
「你又係咁嘅，我好快食完咋嘛」我一邊食，一邊睇住部電話
————————————
傻強🍄
「喂傻仔，又話今晚打機嘅😢」
「dammmmmmn,又唔見人🥲，返學嗰陣仲話上分，等你等到就嚟瞓着啦😠😠」
「唉唔等啦，玩死人咩😵💫😵💫」
阿柔🌙
「喂記得我哋聽日個會係講關於下個星期三聖誕聯歡嗰啲嘢🎄，你負責活動嗰part，你諗吓有咩game可以玩啦，交俾你啦😉😉🤍」
可欣媽媽👩🏻🤍🌸
「你記住今晚快啲瞓啦😠，如果唔係聽日又唔夠瞓㗎啦🐷」
————————————
「嗱嗱聲食完快啲出去啦，傻仔」阿彤拍一拍我個頭，究竟點解啲人拍我個頭
「依家即刻換衫，好快好快」我即刻返入房換衫。
阿彤跟埋入房，之後拎咗套校服出嚟
「你著完之後，就幫我著啦」佢講完之後怕怕醜醜咁耷低頭
我即刻著完套校服，攞住套校服幫佢著。都好耐冇試過幫女仔著校服，對上一次好似阿妹中一嗰陣。阿彤啲皮膚真係好滑，佢個頭都好香，忍唔住望多兩下。
「喂呀，望夠未啊，平時夜晚咩都睇晒啦，仲唔夠咩」佢鼓起塊面嘟嘴扮嬲
「咁你靚呀嘛，忍唔住哎咪睇多幾眼囉」我攬住佢
「得啦，快啲幫我著啦，好凍」佢即刻扮就快凍死
換完衫之後，阿妹都已經著好咗佢對皮鞋仔，而我同阿彤都著好咗對襪，準備好一齊出門口啦。
「咁行啦喎」
「好」
跟住我哋三個就一齊行出門口啦