身為機長嘅我，某晚就咁訓左個Crew: 二．偶遇

由於公司電腦真係太快嘅關係，我等左3分幾鐘終於可以入到system。

「Flight search⋯⋯CX500⋯⋯」

終於搵到我今日飛成田嘅data，雖然大家機組人員受嘅training都係一樣，咁緊係都會想可以同返啲熟嘅同事做teammates啦，所以我通常都會例牌咁睇埋果轉flight會同邊個人做partner。老實講⋯⋯都會睇埋cabin crew會有邊個嘅～

「FO就係Dennis，Crew就有Anna、Elle、Candy、Fabian⋯⋯」
「哇頂！Fabian做IC，今轉班囡囡有排受～」

無錯！就係大名鼎鼎嘅Fabian，幾乎將青春奉獻曬比公司，同時亦係老菇婆一個，職場上我一向認為呢type係最煩嘅。對我地cockpit就無咩野嘅，但聽講對住teammates就真係做錯即屌果隻。同事喺佢做IC嘅flight，有時會喺rest area到聽到有喊聲亦唔係少見嘅事。



Anyway，都夠料，係時候要去見下今日嘅crew同要做pre-flight briefing。

去到呢到大家都應該會覺得，做機師正啦，大把空姐有得食。我就得啖笑咁答：「你真係諗下好！」大佬吖！由上機開始去到落機，我地一定要全程100%保持精神，機上幾百條人命喺我地手到，理論上一返到酒店撻上床已經可以即刻訓著，所以落機係完全只會想訓教，仲邊得閒搵crew扑。

油量、天氣、重量、重心，passenger and cargo list，briefing都係講返飛行嘅例行野。都係果句啦，人手問題，今次我右手都係得Dennis呢個FO。Brief完之後都差唔多，要去會合同其他crew member搭巴士仔去機底。

大家都攞住自己野咁樣，好快就去左assembly point，我亦好快咁見到今次嘅cabin crew妹妹們。大家都一定同一套制服架喇，只不過係有個crew member突然令我眼光唔可以喺佢身上抽離，其中有個就瘦瘦地但同時身材真係唔差，樣就呆呆地幾得意嘅。

「做咩姐，睇啱咪去馬啦！」



無錯係Dennis個死仔。

「咩姐⋯⋯你都傻嘅！你唔記得上次有條友喺機場攬住兩條女，同埋張溫泉3P相流出左，最後比公司炒左咩？你咪搞埋呢啲野吖！家陣疫情份工都無埋就玩L完～」
「得喇！𥄫女，鬼唔知咩～話說條友都自己攞來嘅」

話口唔埋架巴士已經到左，全部人準備上車之濟，啱啱位crew就突然唔郁，我望望原來個喼嘅轆kick住左。咁我當然都過去幫下手，直接幫佢成個喼抽起。

「OK！你行先！」
「吓！唔好啦，我自己抽返就得，都夠力嘅！」


「得啦！你上車先，我抽埋！再講就無力喇！」
「吖！唔該曬你吖～」

無意中望到個name badge。

「原來你叫Elle⋯⋯平時off duty叫我Harris就得」
「嗯⋯⋯」

就咁樣，大家一如以往上曬車，沿途都係例牌咁同crew介紹下破下冰果啲。