原來當曉嵐爸爸和媽媽結婚後有了曉嵐不久,有一位姿色不俗的女性突然出現在曉嵐爸爸的視線範圍,然後常常有意無意地撩撥他。早已有出軌前科又一直以為曉嵐媽媽被蒙在鼓裡的曉嵐爸爸當然很快把持不住然後和對方發生了一次又一次的關係。
 
不過在過了一段時間當曉嵐爸爸越來越沉船時,這女性卻突然拿出了手機並打開了一張照片給曉嵐爸爸看。
 
照片中曉嵐爸爸看見曉嵐媽媽正躺在一個男子懷中,身上蓋上了被鋪但露出了上臂,明顯是一張事後照片。雖然相片中影不到男子的樣貌,但他知道相片中那男子絕對不是自己。
 
「你…點解會有張咁嘅相?」曉嵐爸爸驚訝地問道。
 
「你想唔想知相中嘅男人係邊個?」那女人沒有直接回答而是反問道。
 




「係邊個?」曉嵐爸爸緊接著問。
 
「我老公。」
 
「… 究竟發生左咩事? 張相係幾時影?」在驚呆了兩秒後曉嵐爸爸再問。
 
「係你同老婆結婚前,有無一段時間你覺得你老婆有d唔尋常?」女人反問。
 
這時曉嵐爸爸回想起之前確實曾經有半年左右的時間,曉嵐媽媽變得有點古怪。一來愛痴家的她晚上多了外出,二來對自己好像越來越冷淡,三來多次拒絕和自己造愛。他還記得有次在被拒絕後他想硬來但曉嵐媽媽掙扎結果她的額頭撞上牆邊還腫了一大塊,之後他們整整一星期沒有說過話。只是在過了一段時間她又漸漸回復正常所以他才忘記了這件事。
 




「你意思張相係果個時間影?」
 
「無錯。果陣我同我老公仲拍緊拖,但有日,有同事偷偷地告訴我話見到你老婆同我老公行埋一齊。」
 
「同事?」曉嵐爸爸不明白。
 
「我同我老公係你老婆嘅舊同事,你地結婚果晚佢都有黎祝賀你地架,聽聞你仲好熱情咁同佢握手傾偈添~」那女人像恥笑著曉嵐爸爸。
 
「你話咩話!? 我老婆仲敢邀請佢黎?」曉嵐爸爸聽到後十分憤怒。
 




「個同事講完我聽後我果陣就偷偷地查我老公,然後發現佢同你老婆之前原來曾經真係有過一段情,張相都係係佢手機度搵到出黎,不過當時佢地各自都有我同你。」
 
「… 咁你之後仲同佢結婚?」
 
「因為我真係好愛佢,同埋佢應承我以後都唔會再犯…」
 
「咁你衣家搭上我又係咩意思?」
 
「因為之後我發現佢呃我,衣家出面又有第二個,我仲知道左原來係結婚前佢都有再搵過你老婆,然後咁岩我又聽到同事講原來你老婆近排結左婚仲有左小朋友…
 
果刻我好嬲! 點解佢當年搶人男朋友,教壞我老公出軌都可以咁幸福?所以我決定要報復晒你地! 我專登搭上你令你出軌搶你返黎,同時間我又可以派返帽比我老公~ 你估如果我將我地嘅關係話比你老婆聽佢會點?」女人奸笑著說,彷彿有點神經失常。
 
「你痴線架? 玩到咁盡?」這時曉嵐爸爸終於明白了這個故事,知道自己跌入了對方精心設下的陷阱。
 
「我盡? 夠你地盡? 你頭先咁大力屌我果陣有無諗過你老婆? 其實搭上左你無耐我就知自己根本係多此一舉,因為好明顯就算無我,你本身之前都實有出過軌… 不過親身上陣報仇,感覺又唔同嘅~ 而且決定權係我手隨時可以玩踢爆~




 
其實佢攪我男朋友,我攪返佢老公,都好公平呀~ 放心啦,我唔會咁快話佢聽,我要你日日提心吊膽驚比佢知道你出軌… 唔好比我睇死你,佢衣家仲有左你BB,你實唔敢同佢坦白,哈哈!」
 
「你個邊態女人痴線架!」除了責罵對方,曉嵐爸爸不人知道自己還做甚麼。而自那次起,曉嵐爸爸便再沒見過那女人。
 
曉嵐爸爸當時很憤怒,回到家後很想質問曉嵐媽媽。但另一方面他又覺得自己不能夠理直氣壯,因為他相信自己出軌偷食的次數遠比對方多,而且還會隨時被那個瘋女人揭穿。於是他選擇沉默,默默把這秘密收藏在心底,日日忍受著提心吊膽的日子。
 
那種日子並不好受,但說也奇怪,之後曉嵐爸爸再沒見過這女人,而她亦好像一直都沒有向曉嵐媽媽揭穿自己。不過這始終是一個計時炸彈,而曉嵐爸爸當然亦不會因為這樣便不再偷食。結果在數年後,他竟然沉了一個在交友app認識的年輕女子船,亦突然意識到自己其實是有方法可以離開這種擔驚受怕的日子,那便是先下手為強,控訴曉嵐媽媽不忠然後離婚和這新歡一齊,那他便可以重新開展新的生活。
 
 
 
「所以佢係一早知媽咪以前曳過,而之後為左同另一個女人一齊先扮係因為衣個原因要同媽咪離婚?」曉嵐聽完後很生氣亦很激動。
 
「大致上係咁樣啦…」坦白說,我亦有點不齒曉嵐爸爸的行為。
 




「點解我會有個咁嘅爹哋架! 我唔想做佢個女呀… 做錯都算,仲要惡人先告狀將個責任扔晒比媽咪! 而且係媽咪陀住我果陣佢都仲要出去滾! 點解你地D男人個個都咁衰架…」曉嵐繼續咆哮。這亦是為甚麼若有得選擇我寧願不說。
 
「我唔知咁講會唔會令你好D… 但你嗲哋當時都係真心錫你嘅,唔係你我估佢會係更早嘅時間就走左,而到衣一刻佢對你都仍然係心存歉疚…」為了讓曉嵐心情舒服點,我破了戒把當事人的感受告訴了曉嵐,亦因而讓我之後大病了一場及失去了能力三個月。
 
「佢永遠都唔會知佢嘅行為帶左幾大嘅傷害比我…」但曉嵐並不領情。
 
「所以佢盡力唔去比你地知真相… 其實離婚,都有少部份原因係因為佢知道咁果個女人就少左動力去話個真相比你媽咪同你知…」我繼續幫曉嵐爸爸解釋。
 
「天樂,比著係你你會唔會呃我?」曉嵐靜了一會又突然問道。
 
「我無選擇暪你而係話個事實比你知,咁你話我會唔會? 不過其實就算我見証過咁多故事,到衣一刻,我都仍然唔知有時到底係知道真相好,定係寧願讓謊言去呃對方一世好… 但無論係點,我都可以好肯定自己嘅出發點係為你好,我永遠都唔會做傷害你嘅行為。」我感觸地說。
 
「你嘅心意我好明白,不過係咪咁就代表結果好? 我估真係無人可以比到答案… 就好似如果我唔想媽咪傷心,我就唔應該話個真相比佢聽,但另一方面,我又好唔想呃佢…
 
但係天樂,你問我我會話你嘅選擇係無錯,如果對方係你,我會寧願忍受殘酷嘅真相,我都唔要接受你會呃我衣個傷害,因為你係我唯一可以全心全意相信嘅人… 如果連你都會對我講大話,咁衣個世界我覺得就唔再配有”相信”衣兩個字。」曉嵐認真地對我說道。




 
「我明白。放心啦,我講過我一定會救返你出黎,信我。」說完我緊緊握著她的手。
 
她沒有再說話,而是把頭放在我肩膊上,然後用力回握著我的手。
 
 
我們最後都沒有把這真相告訴曉嵐母親,也許這就是對人對事每個人都有自己不同的尺度和分別吧。不過其實我之後又再想,或許這個世界有些問題根本就沒有一個真正答案,再苦苦追尋可能其實都只是徒添自己煩惱,倒不如率性而為,順著自己的心去便行了。而當你接受了這個世界有些事其實並不存在著答案,少了執著,你會突然發現這個世界會變得豁然開朗。
 
在大病了一場後,我正式開始預備和父親移民到澳洲去,而同時間我亦正式向曉嵐求了婚。因為種種的原故,我們只是在雙方家長(沒有曉嵐的父親)見証下進行了最簡單的簽紙儀式。
 
而就在我們的洞房花燭夜,我突然有種預感,在我失去了能力的同時,這能力並沒有跟據慣例傳了給我們的第二個兒子。因為當我正和曉嵐水乳交融,然後把我的生命精華全奉獻給對方的時候,我突然感受到一種謎團被解開了的頓悟。
 
很快我便發現自己失去了讀取人心的能力,那時我們便知曉嵐應該已經再度懷有了我的孩子。不過要引証這能力是不是真的如我所感沒有被延續下去,我們還是要等到十四年後當我們的第二個兒子已經成長為一個開始夠成熟面對這秘密的青年時。
 
「細佬,你衣家試下合上眼諗住你岩岩呃完果個人,睇下聽唔聽到佢諗咩?」在講解完整個故事及能力的使用方法後,我們叫二兒子嘗試一下使用這能力。




 
「聽唔到喎,你地係咪呃我架… 衣個世界上邊有d咁嘅超能力?」小兒子合上眼一段時間後答道。
 
而為了確保結果一樣,我們花了點時間再找幾個人試了幾次,結果還是一樣。
 
「咁睇黎你嘅預感並無錯,個能力真係無傳比細佬喎… 」曉嵐對我說道。
 
「嗯… 其實我記得當年知道左你係因為衣個能力驚左我後,我有問過Alfred有無辦法令衣個能力消失,佢當時有講過相傳只要解開左祭司最後嘅疑問,衣個能力就會永遠消失,不過一直無人知道衣個疑問又或者方法係咩。唔通衣個疑問真係比我地意外咁解開左?」我邊回憶邊說道。
 
「但我地有咩特別? 點解解開到佢嘅疑問? 唔通係要好似楊過同小龍女咁分別16年後都仲可以一齊就得?」曉嵐聽完後同樣陷入了苦思。
 
「我都唔知道,但我相信唔係…」
 
然後我們二人繼續陷入了深思和沉默。
 
 
「不過爹哋媽咪你地頭先講個故事都幾得意呀~ 咁你地覺得係國王對愛麗斯果種定係愛麗斯對國王果種先係愛? 如果你地都有衣種能力,你估你地會唔會可以完全信任大家一直都唔用係對方身上?」這時二兒子突然打開眼睛問道。
 
 
「我明喇!」
 
聽完兒子的說話,我和曉嵐都異口同聲說出,然後相視而笑。
 
 

全故事完