考牌啦: 實習-Case 3 (6)
「點解我哋要去醫院？」夢上車後便問，手也沒有停下，拆下包裝就將三文治塞進自己的口中。 「你記吾記得佢哋幾時離婚？」看見夢口裏全是食物，Tiffany決定自己繼續說下去。「係2027年。而佢個年係去過一次醫院，佢的紀錄無顯示佢有長期病，所以正常吾會無啦啦去醫院。所以去睇下個次同佢哋離婚有無關連。」 馬路上的車比較多，二人的車不得不慢下來。看還有一段時間，夢決定問些問題「其實點解啲資料室吾可以內部傳輸資料？」Tiffany「其實當初係有依個概念。不過以前都有個類似的系統，而當佢連左上網的時候，大家都會輪流搵辦法掘啲資料出黎。為左避免出現依啲情況，就將每一個資料室獨立出黎，無傳輸功能。咁想要拎依啲資料就要搵清楚每一個點先可以衝入黎搶。遲啲好似會有局部的連繫，不過都未有資訊公開。」Tiffany說完好像不想再在這話題說太多，隨意找了另外的話題與夢閒聊。不知不覺二人已經到達醫院。夢跟隨Tiffany來到職員專用的樓梯，Tiffany在手機上操作了一會，地下一塊地板接起，而一條向下的樓梯顯露在兩人眼前。二人慢慢步下，再次看見極其相似的控制台。 在Tiffany極其純熟的操控下，她飛快調出婕妤進入醫院的記錄。「吾係入院，無拎藥紀錄，咁係探病...」Tiffany一路搜索一路思考。而調出的畫面顯示，在住院的是心珊！甘鑫正在安撫心珊，而婕妤則是站在旁邊，毫無表示。而畫面快速一轉，調到二人走出病房時，甘鑫的面色完全變了。 Tiffany這時也將畫面改為正常速度播放。 甘鑫的臉黑得像墨水一樣「你係點樣做人阿媽！」婕妤則是一臉無辜「係佢自己百厭係度亂玩先會整親自己」 「你究竟去左邊？」「我落左去整少少野」 「整咩野要整咁耐呀」「咩事呀你，審犯咁」 「如果吾係我咁啱要番屋企拎野，佢就吾知會變成點」「喂，佢有事我都想架。佢都係你個女黎，你照顧佢都係應份」 聽到這裏，甘鑫就如被踩了尾的狗一樣，沉聲咆哮「你...我係O型。你做過啲咩你自己知。」「你都痴線架，吾知你講緊咩」聽見婕妤的說話，甘鑫眼中仿似消失了一些東西，不再說話調頭走了。