考牌啦: 實習-Case 3 (7)
夢看到這裏就說「即係婕妤佢疏忽照顧搞到個女受傷...」而Tiffany的面則是僵硬了。 Tiffany在控制台上操作「吾好俾我估中」在Tiffany的控制下，屏幕上調出一份病歷報告，看完後Tiffany臉色大變，身上就像散發出一陣寒氣，使房間的溫度好像下降了幾度。 夢感受到Tiffany 氣場的改變，弱弱一問「發生咩事？」「你睇下心珊入院啲資料」夢看着報告，上面紀錄着心珊入院前曾進入失血過多的狀態。因車上的O型血包不足，而心珊是未知血型，為了避免使情況更危險，當時醫護人員亦束手無策，只能盡全力去止血。甘鑫知道這狀況下，則即時表明自己過往的捐血紀錄，說明自己的血是適合這種情況的O型血， 願意即時為自己的女兒輸血。「依個人做老豆真係好愛佢依個女」「哼，咩佢個女，你睇清楚佢哋兩個的血型！」Tiffany指一指畫面。 而在病歷紀錄上心珊的血型是 AB 型！！ 「等陣先......無可能!」夢大叫出來。「O型血的人無論同咩人生出黎的後代都只可能係A，B或者O型。係絕對無可能有AB型的後代！」「有可能，吾係親生的未得囉」Tiffany陰沉地答「吓，咁樣的咩」「咁就解釋得到點解佢哋會咁快結婚。因為甘鑫以為自己搞大左婕妤，有左佢的小朋友，所以為左負責任而結婚。但係個細佬根本就吾係佢經手，跟住佢哋咁就離婚」 夢忍不住說「咁點解甘鑫重要爭撫養權，心珊吾係佢個女，佢其實無責任要去照顧佢。但佢哋係見過法官，即係甘鑫有同婕妤爭過心珊的撫養權。」「依個世界就係有一啲人，即係對方有再親的關係，對佢哋黎講都吾緊要得過自己。但係有一啲人就可以為左無關係的人付出自己的野，無論係咩代價」說到這裏Tiffany像是回憶到一些過去。 Tiffany停了一下，深呼吸才繼續說「咁我地真係要睇下甘鑫。究竟佢爭個撫養權番黎係為左心裏個度氣定係為咩。如果真係為度氣，我哋點都要救番個小朋友出黎。至於婕妤，哼。人都做吾好，重係度玩舉報。我哋睇埋甘鑫先再一次過處理。」 Tiffany望一望手機「重有啲時間，兵分兩路。陣間我車你出去，你去跟住心珊，睇下佢放學後的情況。我要去申請拎其他資料，同要人幫手做支援。」