考牌啦: 實習-Case 5 (6)
「吓？」夢聽到這個古怪的要求疑惑起來，這件事怎樣看都是兒子與媳婦二人合力才能造成，為什麼只想投訴自己的媳婦 「我個仔只係俾個女人呃左，只要你拆穿佢的把戲，佢咁聰明，就會變番正常。」婆婆十分執著的認為一切都是媳婦所做成 經過剛才的單方面對話，夢知道婆婆不會輕易因他人的說話而輕易改變想法，便說「婆婆你講左咁多我大概都知道個情況，接下落黎我會調查一下...」 「就依家啦，我帶你去！」婆婆靈敏地起來，作勢就要拉夢離開。 「...」夢不知應怎麼回應，比起之前實習的幾次，閱讀文字上的投訴，尋找資料，找出是否合理的原因，直接面對投訴者的即時回應，令他有一點頭昏腦脹。 就這樣夢被婆婆拉出了房間，走了兩步，柔柔從某個角落閃了出來，站在夢與婆婆的前面。 「婆婆，你想帶我的員工去邊呀？」柔柔掛着職業的笑容說 「去做野囉」婆婆沒好氣地回答，想帶着夢繼續離開 「婆婆，你咁樣吾係好啱規矩喎」柔柔想繼續說下去再次被婆婆打斷 「吾啱咩規矩啊！我黎投訴，你哋就幫我，咪係到阻住哂啦」婆婆作勢要推開柔柔 「無錯，只要你係投訴，我哋都會聽，都會去幫你。不過我地依位職員今日的職責本身係做帶路的角色，如果佢依家離開佢的工作崗位，我哋中心就會少左人手。咁樣對我哋的運作會有影響」柔柔輕輕則身，閃過婆婆，將夢拉開。 「咁即係點呀，又係到hea阿婆啦係咪」婆婆的語調更加不善 「當然婆婆你覺得呢位職員幫到你，我哋都可以安排番。不過因為受限我哋的人手，我最快都要三日後先可以安排佢出去工作。所以不如你三日後先再黎，今日俾佢去做番自己的崗位？」柔柔繼續保持專業的態度回答 「好，三日後呀嘛。我三日後黎，你到時又再hea阿婆，我連你哋都投訴埋」婆婆放着狠話後並沒有離開，而是在門面找了個位置坐下盯着夢。 「你做住野先，我之後再同你講」柔柔在夢耳邊輕輕一說就離開了 夢整個早上就戰戰兢兢地在婆婆的注視做着帶路和講解的角色，所幸人流都有不少，婆婆亦沒有上前打擾。