因為前世一個承諾，令我今世三十歲都仲係青頭仔: （5）

離開寶蓮寺後，我揸車返出市區，Samuel就黐我車坐。

條友平時口水多過乜，但從啱先離開間寺到依家，居然粒聲無出，個樣仲有啲灰。

無錯嘅話，慧真大師剛才講嘅說話，都有傳到佢嘅耳邊，睇怕佢係聽完嗰番說話先至唔開心。

就假設大師講嘅嘢都係真嘅，咁我呢世淨係可以同嗰一個宿世情人扑嘢。

而喺Form6嗰年，Samuel曾經借醉行兇想同我搞嘢，當時就係被道力場震開左，阻止左我插入佢個屎忽窿。





咁就即係代表，佢並唔係我嘅宿世情人。

再諗返我之前溝過上床嘅女仔，數埋都有三、四十個，喺咁多個入面，居然無一個中。

咁究竟嗰位命定之人喺邊度？幾時先出現？同埋係生得點嘅樣？

假如唔好彩，對方係件豬扒或者肥婆，咁點算好？唔通到時要硬食？

頂！唔好自己嚇自己，就算外形真係唔掂，咁咪俾錢佢整容減肥囉。





只係有樣嘢我真心諗唔明，明明上世還上世，今世還今世，上世嘅我許下嘅誓言，以及承諾過嘅嘢，都唔係出自我呢把口，做咩咁都要入我數？

情況就好似張借據明明唔係我親自簽名，但就要我還錢一樣，一啲都唔合情理。

只能講，呢個世界有時就係咁不可理喻。

我依家只寄望，自己快啲遇到嗰位宿世情人。

對方個樣只要唔好太差，身形唔好太肥，我其實都接受到。





因為真係好想擺脫青頭仔之名，一嘗性交嘅滋味。