我接通了來自陰間的電話: 第十七節

忘記了，不論是枉死或是安詳的離世也好，醫院從來也是一個死人最多，陰氣極重的地方。
 
只見那個女人呼天搶地的在大喊著，在場的人也為之動容，護士紛紛向她遞上紙巾或作出安慰。
 
如果我有一日去世，會有人為我哭得如此肝腸寸斷嗎？死亡並不可怕，可怕的是我們對生命的價值一無所知，或是了無貢獻。
 
活了三十年，其實我究竟做過咩？
 
這讓我想起「三日之後既凌晨十二點見」其實埋藏了什麼意思，如果與我對話的人是來自陰間的人，那麼代表三日之後我就會死？
 




可是，昨晚我夢見了的巴士意外情境，不是正好讓我避過一劫嗎？為何現在演變成會被鬼索命？還有，一切事情也是因為我致電了自己的電話號碼而接通了陰間嗎？
 
如果我把電話棄掉，結局會否被改寫？
 
或許那個鬼魂只是向接通電話的人索命，而不是要向我索命，可是當我一想到「你終於搵我地」同「你幾時搵我地」就讓我這個推論不攻自破，我同那個鬼魂之間一定有些什麼聯繫著。
 
是前世今生或是因果而讓它們要向我索命？
 
「張偉強既朋友請到急症室Ａ房」在我思索的期間，醫院傳來了一個廣播。
 




「傻強！」我立刻跟著地板上刻劃的顏色線條跑進急症室內。
 
只見傻強躺在床上一動也不動，身體已經被插了一些儀器。
 
「醫生！我朋友有冇事呀！」我緊張地問。
 
「你係張偉強既朋友？」
 
「係！無錯！」
 




「傷者既家人呢？」醫生說話的語氣讓我感到傻強的傷或者比想像之中嚴重。
 
「我未通知佢地，因為佢屋企人年紀比較大，唔想驚動佢地住。」
 
「傷者結左婚未?」
 
「未！佢仲係單身。」
 
「咁你要盡快通知佢既屋企人啦，傷者體內大量出血，我地而家亦都搵唔到出血既位置，而家可以做既就係即刻同佢盡快做手術止血。」醫生說。
 
「咁….我而家通知佢既屋企人黎啦！」
 
我的眼睛也開始變得通紅，傻強是因為我而受傷的，如果他真的有什麼意外的話，我又如何向他的父母交待？
 
站在病床旁的我，突然之間感到有人捉著我的手。




 
「唔…..唔好通知我屋企人，拜託！我…..我唔想佢地知，你響到就得啦！天佑！」傻強捉著我的手，像用盡全身的力氣對著我說。
 
傻強的請求，我又那有不答應之理？
 
「好，冇問題，我會響手術室出面等你，你唔駛擔心咁多，有咩我都會同你搞掂！」
 
傻強向我示了一下‘ＯＫ’的手勢後，便被推進了手術室。
 
生命原來是這樣的脆弱嗎？