我接通了來自陰間的電話: 第二十三節

自己的未來，是生是死，或許見了蔣大師之後便會有分曉。
 
我走進餐廳，看到大師和沈震龍已經坐在餐廳裡的其中一個角落。
 
「唔好意思，要你地等我。」我找個位置便坐了下來。
 
「唔緊要，我地都唔係等左好耐，我諗事不而遲，我地都係快啲入正題啦，不過開始之前我諗我地都介紹一下自己先，咁樣我諗你對我地既了解都會多啲。」沈震龍說。
 
「好！」我說。
 




「講得簡淺易明啲我地係專門幫人捉鬼既，呢一份係我地既工作，我地既門派係偏向道教，即係好似睇電視會成日見到有人開壇作法嗰種，坦白講，我地今次見到你有一種黑氣籠罩住，所以我地本住慈悲為懷既心去提點一下你。」
 
「你地睇到我有黑氣？只係簡單睇一睇我個樣就會知道有問題？」
 
「呢個當然啦，做禮儀師只係我表面上既工作，而且做呢種行業既人本身都有一定接觸陰間既能力，我因為修法術，所以能力比其他人高一點點，我睇得出你都好似仲有啲野唔放心咁，究竟係咩？因為如果你唔信我地，咁樣其實冇咩意思。」
 
「唔係，我信你地，只係你地如果幫我要收幾多錢？」我不好意思的問。
 
「呢一個小問題，我地只係想救人唔係想賺錢，你之後封返一封利是俾我地就得啦，多少冇所謂，我地真係唔係諗住賺錢。」
 




「多謝你地，我感到我今次真係遇到救星啦！」
 
「天佑，接落黎既時間好緊要，你一定要將你呢幾日發生既所有野都要講俾我聽，仔細一啲都冇所謂，我地要慢慢解開你俾鬼纏住既原因，如果我地唔知原因，成件事就會好麻煩！」蔣大師說。
 
「明白，我遇到咁多其怪既事，其實係由我用屋企打返俾自己既手提電話開始.....」
 
我一五一十把這兩日的經歷告訴了他們，亦把我因為夢而可以避過一次嚴重既交通意外，他們聽了後沒有太多的反應，或許對於他們來說，我遇到的這些事只是小事，他們根本不會覺得奇怪。
 
「天佑，初步黎睇，我地已經有啲頭水，接落黎我地要一步一步咁去拆解佢。」沈震龍說。
 




「你有冇墮過胎？又或者做過一啲唔得光既野，好似殺人咁？」蔣大師說。
 
「殺人？我冇！落仔我都冇。」我堅定地說。
 
墮胎咁大件事我又點會唔知？以前和我一起的女朋友最長的也不過半年，她們從來沒有跟我說過她們有小孩！
 
慢著！難道是李泳兒？
 
我還記得我和她分手的時候，她哭著說她有了小孩要求我不要和她分手，那時候我還以為這只不過是一個挽留我的藉口，難道這是真的嗎？如果說她真的因為和我分手而墮胎，那麼即是說我成了一個殺人兇手，而我今次是被自己的小孩尋仇嗎？
 
我，根本是一個人渣！