我接通了來自陰間的電話: 第二十四節

如果說李泳兒真的因為和我分手而墮胎，那麼即是說我成了一個殺人兇手，而我今次是被自己的小孩尋仇嗎？
 
我，根本是一個人渣！
 
可是，事實真的是那樣嗎？現在只是我單方面在想這件事的可能性，而且那時候我和李泳兒分手，我以為她只是單方面的欺騙我找個謊話來欺騙我也正常不過吧。
 
如果今次墮胎事件是真，那麼基本上整件事我也只是處於一個被動的狀況，嚴格來說不是我指示李泳兒墮胎，我也是被騙者，又有誰敢說如果我真的確認她懷有我的骨肉，我不會負起這個責任？
 
對！又始至終，我也被騙，我不是人渣，我是一個受害者！
 


「天佑，係咪有頭緒？我見你好似諗到好入神咁。」蔣大師說。
 
「係，我諗起以前有個女仔，我同佢分手，但係佢用有左我骨肉黎做借口去挽留我，我嗰時唔信佢最後同左佢分手，如果大師認為今次既靈異事件係因為墮胎既話，我諗個女仔係關鍵。」
 
「你有冇辦法搵到佢去問清楚？因為如果係真既，我地一定要問清楚啲資料，即係好似佢墮胎日期咁。」
 
「但係，其實成件事都未必關我事，又唔係我叫佢墮胎，而且佢嗰時同我講話佢又左，我唔信，都好正常呀，點解佢地要揾我報仇？」我張開雙手，理直氣壯地說。
 
「啪！」
 


「嘭爛！」
 
一下強烈的撞擊，我被撞得整個人被擊到在地，枱附近的椅子也差不多全被我弄翻。
 
臉部全來一下灼熱的痛，我還感到那五隻手指在面部燃燒著。
 
我定神一看，打我的人是沈震龍。
 
「做咩打我呀你！」我摸著自己的臉。
 


「我諗我幫錯左你！你有冇搞錯，咁既說話你都講得出？你同人上床既時候有冇做足安全措施，人地同你講佢有左，你又唔信，仲講到好似唔關你事咁，你講，你有冇同佢一齊檢查過佢係咪懷孕？」沈震龍像失控了的不停指著我在狂鬧。
 
「我.....我冇......」
 
「咪係囉！人地可能真係有左呢，你咁樣同人分手，你肯定之後冇理過人地，唔知道佢之後點啦！」
 
我，無言以對。
 
沈慶龍說得對，我只是在為自己找借口，從小到大我不單止是一個只懂逃避的人，我還會找各式各樣的借口去掩飾自己的過失，以前如是，現在亦都如是。
 
如果李泳兒那時候真的是懷了身孕，那麼她當時是自己一個去面對所有問題嗎？一個這麼重大的決定，在那時只有十多歲的我們來說，她一個人如何承受得了？
 
「阿龍，你坐返低先，天佑，你都坐返上黎先。」蔣大師說。
 
我把附近被我推倒的椅子弄好後便回到座位。


 
「對唔住，沈生你頭之打得我好啱，我係一個懦弱既人，我只係識得逃避，不過你呢一巴掌打醒左我，我會負責返件事。」我說。
 
「天佑，有邊個人年青既時候冇犯過錯？知錯能改，善莫大焉，最緊要係你而家要知道點做。」蔣大師說。
 
「希望你真係知點做，唔係個個人咁好彩遇到呢啲事會撞到我地，我希望你真係要醒。」沈震龍說。
 
「我知點做架啦，我而家搵返個女仔先，我會同佢道歉，之後再睇下點，我有消息會盡快找你地。」說完後，我和他們道別便離開醫院。
 
我開啟了自己的電話簿，並搜尋李泳兒的名字。