交友app日記: 分手

今日可以話我係我人生至今最黑暗嘅日子。就係今日，我收到我女朋友嘅wts。唔係，我應該話係前女友。我望住佢wts嘅內容，內容篇幅好長。不過，我淨係留意到最尾個五隻字——我哋分手la。呢個時候，我真係好希望我係係夢境入面。我不斷係腦海入面講「起身食早餐，唔好再瞓啦」當然，呢啲只係我自已呃自已，唔想面對現實啫。 

分手講嘅嘢嚟嚟去去都係呢啲，而我收到嘅wts講嘅都係個啲，又係話咩「我哋性格唔啱」、「我唔想拖住你」。我最憎見到嘅就係「做返朋友算啦」。我屌你老母呀，又係呢句，有冇啲新意呀。好心你比啲新意啦，又係呢啲藉口，唔鐘意未唔鐘意囉，係講啲咁虛假嘅嘢。有幾多對情侶分咗手又真係可以做返朋友啊。最後未又係做咗對方生命真嘅「過客」。 

我心中充滿咗不捨同埋回憶緊呢一年嘅往事。不過，我都冇做任何嘅挽留，回覆咗句：「你都講到咁啦，分手啦。」佢只係已讀咗我。 

佢係我嘅初戀。唉，讀咗咁多年書竟然得a0，我都真係幾失敗。始終第一次失戀都唔係太識面對。我係連登搜尋「如何走出失戀的痛苦」。連登仔都好多意見，有啲話「時間可以衝淡一切」、「斷絕任何來往」。咁我為有等一排，希望可以走出失戀嘅痛苦。而且，我都unfol哂佢ig嘅super private, public ac，連wts contact都delete嘛，都真係做得幾盡。 

唔經唔覺，都已經過咗一個鐘，我係房入面聽到我阿媽係到叫：「快啲出嚟食早餐啦！再唔出嚟細佬就食哂啦。」「得啦 麻Q煩 執埋床未出嚟囉」可能失戀心情有啲燥，我答得好唔耐煩。我出到去，阿媽已經出咗門口返工，客廳得返細佬一個。我食完早餐之後，我就係到玩ps4希望麻醉自已。 





玩咗一陣之後，我細佬就話：「我哋挑機2k啊。」我點下頭去回應佢。佢揀咗公鹿隊，而我就揀咗快艇。 比賽啱啱開始，佢個字母哥就係隔扣我。我啲三分射極都唔入。比數慢慢比我細佬拋離，我係咁爆粗，又屌你老母又頂你個肺咁。玩到最後，我直接熄咗個ps4總制入返房瞓覺。 

但係，我個腦依然充滿住佢。我幾經爭扎，終於瞓著。醒返已經到咗晚飯時候。不過，我冇胃口，只係刷咗牙同洗個身就入返房。