交友app日記: 分手後

醒返已經到咗星期一，我好習慣咁去咗巴士站。因為我哋之前會約埋一齊返學，但係宜家又變成自已一個人。

去到學校門口，我聽到有人好大聲咁嗌我：「阿諾，等埋我。」原來係我個死黨阿軒。 

佢一嚟到就問：「做乜自已一個啊，你條女請咗假啊。」

我：「唉，琴日分咗手啦。」之後，我就將琴日嘅嘢話哂比佢聽。

阿軒：「算啦。舊嘅唔去新嘅唔嚟，出面大把世界啦。」 





我：「屌，你又未拍過拖，你唔明㗎啦。」 佢：「屌你啊。」我哋咁樣就終止咗呢個話題。 

我聽人講「人係最無聊嘅時候就會亂諗嘢」。所以，我成日都好忙，係到冇嘢做搵嘢做咁。我驚一停低就諗返起啲往事。而我分手嘅事好快就傳到全級都知。小息個陣，啲人係咁過嚟講安慰嘅說話。但係，分過手嘅人都知道，失戀嘅人宜家唔係需要安慰嘅說話，而係你安靜嘅陪伴。

小息鐘聲響起，到咗我最唔想上嘅堂——歷史。點解？因為佢都要上呢堂囉。每一級都總會有啲八婆好鐘意講有是非。而我一入到去就聽到啲八婆係到討論：「你知唔知黃子諾同陳曉霖分咗手啊。」我聽到後就bear住佢哋，佢哋都好識做咁收返聲。老師到咗，我終於可以安靜上堂。

到咗放學，我同阿軒一齊放。 佢：「我哋都唔知幾耐冇一齊放學。你條友重死輕友，放學淨係識陪女。」

我：「你都唔想一齊放做電燈膽㗎。」 就係咁我哋係到9up到我落車。 





返到屋企已經七點幾，我做嘛啲嘢就去咗瞓覺。 

第二日——我返到學校，我見到前面有個好熟悉嘅身影。没錯，就係曉霖。但係，佢拖住咗一個男仔。我睇真啲，原來佢係我個fd張卓賢。我個心宜家有幾百萬個問號「點解佢哋會一齊」、「點解佢哋會拖住手」。我雖然好想問，但係咁尷尬，我緊係冇問啦。

入到課室，阿軒衝過嚟講：「喂，阿軒佢同你個ex一齊返學喎,你有冇見到啊？」

我：「我今朝返學佢哋係我前面㗎，點會見唔到。」 

佢：「點解佢哋會下一齊㗎，佢唔係前日先同你分手咩？」





我：「我點撚知啊，你要問就問佢啦，你問我做乜9。」比佢咁樣問一問，我都開始有少少燥。

成日，我係咁聽到「陳曉霖同6A張卓賢一齊咗啊」、「陳曉霖個ex係咪帶咗㡌啊。」 我實在係頂唔順，所以成日都係班房冇出過去。由第一堂瞓到放學，中間除lunch time都冇醒過。我啲同學都知咩事，所以都冇煩我。 

瞓覺嘅時間過得好快，眨下眼就放學。今日，我因為要補習，所以阿軒冇同我下一齊放。 補完習返到屋企已經十點鐘，我做埋啲功課就上咗床瞓覺。