交友app日記: Candy

震…….震………..我即刻開手機。

 Candy傳送了一幅圖片。

好彩佢有send返相比我睇，幾驚佢走咗。

佢send咗一幅佢係迪士尼玩嘅相比我。我冇記錯嘅話，個背景應該係小小世界 。雖然，佢之前同我講過佢唔係靚女，我都冇太大期望。但係，佢個樣真係比我預期靚，應該唔係叫靚，係叫可愛。佢塊包包面真係好可愛，有啲似COLLAR入面嘅DAY咁樣。但係就緊係冇DAY咁靚啦。 

宜家相就睇咗，但係之後要點傾落去都係一個問題。我見佢冇主動講嘢，我決定打破呢個荒局。





我：「你都幾靚女啊，做乜講到自己咁差㗎。」我諗應該冇人唔鐘意人哋讚嘅，雖然聽落係好膚顯。

Candy：「唔係㗎 我好肥㗎。」

我：「睇你去面都唔係好肥啫，幾cute啊。」

Candy：「我雙腳好粗，唔係幾好睇。」

我：「咁你有冇做運動啊。」





Candy：「有啊 我平時都會去跳舞。」

Candy：「唔好再講呢個話題，講起就傷心。」

佢竟然直接終止咗呢個話題，咁難先搵到嘢可以同佢傾兩嘴。

Candy：「係呢 你拍過幾次拖。」

我心諗佢終於主動搵話題，睇嚟離去海洋公園又向前一步。





我：「一次囉 我啱啱分咗手。」

Candy:「點解嘅。」

我：「分手呢啲冇原因㗎喎，我都唔知點解。可能佢己經唔鐘意我或者鐘意咗第二個。」

Candy：「咁你仲鐘意佢啊。」

我：「係啊。」

Candy：「點解你唔搵佢復合，可能仲有機會呢。」

我：「冇機會啦，我哋之前己經復合過。而且，佢己經有新仔。」一講起我個ex我就想喊，真係唔想再傾呢個話題落去。但係，咁難得candy主動開話題，我都為由頂硬上。

Candy：「咁快就有新仔，佢咁衰嘅。咁你都快啲搵返個啦。」





我：「所以我未下載咗HMD囉。」

我：「唔好再講我啦，咁你拍過幾多次拖。」

Candy:「我好廢咋，我A0 。唔好笑我啊。」

我：「有咩好笑啊，都唔怪得你嘅。」

Candy:「我之前都鐘意過一個男仔，但係我唔敢同佢表白。過咗幾年先知道原來佢都鐘意我，真係好可惜。」

我：「冇辦法啦，有緣冇份啊。咁你學校冇人溝你咩。」

Candy：「唔知喎，我好少同男仔傾計。而且，學校啲男仔好矮，我鐘意啲高嘅男仔。」





我：「啱哂啦。我185夠唔夠高啊。」

Candy:「185真係好高。我原先諗住搵個175己經夠高。」

我：「咁你幾高，你講到你好高咁。」

Candy：「165 女仔嚟講都幾高。」

我：「真係幾高喎，好彩我都唔矮啫。」

Candy：「知你高 你唔洗係咁強調你高嘅。」

我：「咁如果你係到搵到啱傾嘅會唔會嘗試發展。」

Candy：「你可能啱啱開始玩未感受到，呢到啲人都好怪。我係呢到玩咗咁耐都搵唔到幾多個係啱傾有機會發展嘅。」





我：「搵唔到幾多個即係到遇過啦，聽你咁講。」

Candy:「有嘅 一個囉。」

我：「繼續講啦，我想聽故事。」

Candy：「我哋係tg到傾咗一個月見幾啱傾可似有機會發展咁所以就約咗出嚟。但係，出咗嚟之後就冇再聯絡過。」

我：「點解。」

Candy：「平時佢都會主動搵我，但係個日見完之後佢都冇主動搵返我，可能佢見我唔靚所以唔搵我呱，我都唔知。」

我：「你哋之前冇交換相咩。」





Candy:「有 不過真人同相都有分別嘅，可能我啱啱send比你個幅係照騙添。」

我：「唔會嘅。我啱啱睇落都唔係p咗好多啫。」

我見佢之前都有同過網友出街，所以我都決定搵機會問下佢去海洋公園嘅事。

我：「係喎 乜你好鐘意去海洋公園咩。」