她揭到一版介紹學校的課外活動年鑑,指著其中一張相:「你認唔認得呢張相呀?」照片似是一班運動會工作人員的大合照。
 
「嗯~呢個咪係妳囉,妳後面嗰個高妹咪『Lu竹』囉。」我以為她問我在相中找不找到她。
 
「唔係呀,你睇清楚先啦。」她手指指向相中在她旁邊的人。
 
「咦…欵…咦!?點解??」
 
「我~~嚟~~㗎!?」在毫無預期下,居然看到自己在人家那本校刊中出現,我不禁有毛骨聳然的感覺。
 


「你都覺得係你哩,你嗰陣喺課室第一次過嚟搵我問嘢時,我就覺得你有啲面善,直到你嗰日講,話你有去其他學校比賽,我就覺得我以前係見過你㗎喇。不過我一直唔肯定,因為你以前只係大碼,而家係加加大碼囉。仲有你以前染金毛呢。」阿心侃侃說出經過。
 
「…都話頭髮甩色喏,我無染㗎…」我竭力搜索枯腸,可是卻沒有絲毫頭緒。「點解我對張相完全無印象嘅,我有無做啲衰嘢呀?」
 
「有呀。」阿心秒回。
 
「吓?!」
 
「你送咗個金牌畀我呀。」阿心嫣然笑道。
 


吓?!我?金牌?
 
等一等,阿心噉講我又依稀有啲印象,是當年只做過一次以為好型,實質「柒」到核爆的舉動。中學時代有一齣很出名的動漫《タッチ Touch》(應該幾代人都有睇過吧),亞記在88年尾播出前,翻版漫畫大家都睇到會背了,也是因為這部漫畫,讓我和很多廢青,離奇地通曉了日本棒球賽的所有事情,包括規則、計分、球員位置和崗位等。
 
TOUCH「接觸」大結局亞記配音版
https://www.dailymotion.com/video/xyghvo
 
話說在05年上映的真人電影版,由長澤まさみ出演的淺倉南,真是入形入格到一個點!集青春、可愛、溫柔、知性於一身,當然還有樣靚、身材正了。
 
Touch 「タッチ」(2005)Trailer


https://youtu.be/BLC7Ucqr4iQ

已有 0 人追稿