《我老婆唔係我女朋友》【那些年／學界比賽／真人】 第四章至六章: 【第五章】 個個都游水 唔通個個都識游水咩（１）
個個都游水 唔通個個都識游水咩
晨操完畢，亞里仔坐平治離開，聽他說要趕返學，而肥直則約了其他教練早餐聚舊，只有我自己徒步往坐地鐵。
記得阿心今天全天上課，我就下午才有tutorial，山長水遠回家又有點無謂，倒不如早點回校見見她好了。去茶記食齋多早餐，聽歌hea了一會，踢著人字拖，返到學校差不多10點（現在寫文時想起，真的很懷念以前上學可以無憂無慮、無所事事又一天的日子），趁著她們A2班放break，閃入lecture hall坐在馬飛他們旁邊，班友除了奇怪我無端走返來sit-in外，還投訴我成身泳池水氯氣味，猛催逼我去學校泳池沖多次涼，我後來還多了個新花名「仁字拖」。
安頓後，扮嘢行到車頭跟阿心打個眼色，她顯得有點驚訝，想不到我會提早返學，成功「通知」了她後，我施施然返車尾繼續扮旁聽。
馬飛故意移到我旁邊，煞有介事的問我：「喂，最近狀態點呀？」
「無狀態唱K呀，收皮啦，唔使預我。」估計佢實係嗰味嘢，我二話不說就落閘放狗。
「唔係呀，我問你練水嘅狀態呀。」馬飛更正了他的問題。
我好生奇怪，他居然唔是叫我唱K，反而對我的練習情況有興趣？遂隨口的答道：「都係普普通通噉啦。」
「噉你50自而家做緊乜嘢時間呀？」馬飛竟然好像運動旁述一樣，口出專業名詞。
我不禁打個突。吓！游水嘅嘢你又識？唔係咁博學多才吓嘛呀～