《我老婆唔係我女朋友》【那些年／學界比賽／真人】 第四章至六章: 【第六章】 他鄉遇故友（２）
完成【建橋】的報到手續，Leon仍未見人，返回看台找位坐定，看看今天的賽程表，朝九晚五，用午飯時間分隔成上午初賽和開幕禮，下午決賽和頒獎禮。
一般運動會，因為所有人都要參加初賽，所以上半場都會比較擠迫和混亂，加上各院校的打氣團隊，令現場嘈吵得不得了，想清靜就必須找一個比較偏僻的位置，所以我走上看台最頂行，既不怕後面有人出入踢來踢去，又方便看到Leon他們進場。（嘿，跟上堂坐大後方的習慣一致）
「喂？真係晨早游咗院校接力初賽先喎。」Leon翻看賽程表。「聽講佢哋唔想太多人塞喺看台，等入唔到圍嘅院校可以早啲散水，跟住11點先做開幕儀式，你50自初賽有可能喺開幕式後。」
我粗略估算一下，10點接力初賽，然後100／200個人單項，真的有可能午飯前才游短途初賽。
「都好，有多啲時間攤唞。」我無可無不可的答道。
環顧看台四周，【灣大】的參賽隊伍最疊馬，連帶一齊來打氣的「應援團」，加起來差不多有40人，貴為灣區三大高等學府之首，型男索女多自然不在話下，一式整齊標緻的泳隊制服更令人眼前一亮，有資源確係零舍不同的。
其次最多人的似乎是【肉園】，一行廿多人帶備大量汽水零食，浩浩蕩蕩好像去野餐一樣。
相識滿天下的Leon四出跟「舊相好」聚舊，我則戴上墨鏡攤著在看台上聽歌，爭取時間休息，兩個隊友則看書和玩game boy。
好半晌後，Leon帶著一條粉皮返來。「喂阿仁，你認唔認得佢呀？」