因為一場意外，我由一位殺手變左個學生: 序

「我呢邊揾唔到佢wo，你嗰邊呢。」一把男聲喺我上面同佢既隊友會報。
而我已經喺垃圾桶入面匿埋左好耐，為既就係避開比人追捕。
作為最強既殺手之一，竟然要匿埋喺個垃圾桶入面，而點解我要匿?等我解釋下

殺手呢個職業其實就係幫落order嗰個殺左佢想要既目標。而我就喺上次既任務之前知道左
原來係我既上司想我死，決定喺個單job度順便殺埋我，所以我就喺單job前殺左我上司
而殺上司咁大獲當然得到既後果就係比人追殺，結果就變做宜家既情況。
我幾確定佢地唔會放過我，因為喺我匿埋之前已經殺左至少五十個人。

返返去宜家既情況，我聽到上面嗰把男人聲冇左，多左既係行走既腳步




我果斷推開垃圾桶蓋，拎起把消音既手槍，一槍就解決左嗰個男人。
然後就用一個特製既道具，拉左自己上一棟樓既樓頂。等我既好拍檔黎接我走。
我喺呢個咁可怕既社會中都有唯一既好拍檔，佢叫辰希，係帶我入行既哥哥
佢揸左架直升機黎接我走，動靜大到一定比人知我著草，不過我肯定佢地唔會知我去邊。

「我幫你準備左個新身份，葉天，一個香港既中五學生。」辰希已經幫我準備哂
「麻煩哂你。」我一邊處理身上既傷口一邊答謝。
「唔會，因為你去到有個好重大既任務，就係照顧好我個妹，樂宜。」辰希睇黎又要比啲堅野我做。
「我個妹既身份好特別，你應該知道瑪雅組織啦?佢地既目標就係我嗰妹，佢地要用佢黎成為容器。」辰希繼續解釋。
「你指，天使重生計劃?」我有啲錯愕。




「冇錯...加油。」之後我眼前一黑，冇哂知覺

一開眼，我就已經喺間房入面，訓啲一張床到。
我起身之後發現自己已經到左香港，而呢到睇黎係我既屋企。
枱上有一張字條，上面係一間中學既名同一啲我既個人資料。
估唔到先岩岩到步就要即刻返學，睇黎又有新挑戰...

待續...