因為一場意外，我由一位殺手變左個學生: 第一章 天使重生計劃

換上一身既校服，揹住書包咁跟住個地址去「聖羅蘭書院」，好似過番一個正常既中學生活
係wo唔記得講，我之所以可以做學生，因為其實得19歲，個樣亦都仲好似個學生咁，除左天生既黃色頭髮之外
都係個乖乖學生樣，應該扼得下人掛?
跟住我就去左5B班，一入到我都唔知坐邊好，就揀左個冇人坐既位。
周圍既同學都好似對我有啲異議咁，不過都正常既
「大家唔好咁嘈住，今日會有位新既插班生。」佢示意叫我出一出去
「我係Miss Leung，你向我同大家介紹下你自己先。」佢微笑住咁講
「大家好我叫葉天，大家可以叫我葉天。」我都冇咩好講
「大家要好好同葉天相處啊，葉天你坐嗰邊啊。」
佢指左我向同一條女坐，我都認得出條女就係辰希啊妹，樂宜。」




「你好，我叫樂宜。」我一坐底，佢就想同我握手。
「嗯，你好。」講完我就拎書擺入個櫃入面。

上堂既日子都幾開心下，至少一定冇殺手咁大壓力。
唔好以為我以前係殺手就一定冇學過任何野。
我敢講除左中文之外，英文數學phychembio 我都係任何人之上。
點解? 你試下如果學唔識既後果就係死，咁一定會學得識，仲會好熟。
英文數學就冇咩話太大關係，但Phy chem bio 同殺手既關係超級重要
physics 係講求你殺手任何一個動作都同physics 離唔開
chem 就係我地所調劑出黎既毒藥，用咩元素可以整到令人幾時死，我諗揾任何一個香港既天才學生都做唔到




bio 就講求我地殺人既時候，點殺?佢會點死?我地打邊到會有咩反應? 呢一切都同殺手有著形影不離既關係
所以香港中學既堂我真係唔讀都可以輕鬆答哂啲問題。

相反每一堂都喺我隔離既樂宜好似咩都唔識咁，但佢都總係可以用佢個笑容面對一切
喺殺手既世界，笑容係幾咁珍貴，我都唔記得有幾耐冇發自內心咁笑一次
「點解你成日都咁cool唔笑架，雖然你的確係我地公認既男神，都唔洗成日咁cool 架!」樂宜喺上數學堂嗰時問我
「冇，唔鐘意，唔習慣。」我既答案，一向都係咁簡短
「唔得，我一定要令你笑一次。」就係咁，佢全日都喺度諗辦法令我笑一次
但無論佢做啲咩都令唔到我笑





就趁宜家解釋下瑪雅組織同天使重生計劃
瑪雅組織既目的要做到擁有控制全世界既力量，而天使重新計劃就係佢地既一個手段
天使重生計劃係想用一個天使之人作容器，注入七大神器既力量入去，從而令傳說中既天使復活
天使並唔係我地平時所諗既純潔，純淨。而係擁有破壞力，毀天滅地既力量，所以一定要阻止
七大神器分別為 劍 斧 弓 匕首 盾 鎚 矛
而冇錯，樂宜就係天使之人，被上天所選既人。
呢個就係辰希希望我黎守護佢既原因。
被作為天使重生既容器最後既結局就係 - 死

待續...