「魔王,你準備好未?」
「準備好。」
「好,咁我黎啦!」我坐在利乎教授辦公室的沙發上,他坐在我對面發功。他做了個奇怪手勢,一手推向我額前。我感受到有股能量衝向腦中,頓時便進入了幻覺……

熊熊烈火和無數溶岩在我身邊,無數亡魂向我招手,但我雙目一紅,一個眼神,撲向我的亡魂立刻彈到遠方。
「魔王大人。」沿路有一班官員包括管理人類靈魂的死神和誘惑人類犯罪的惡魔們,看見我也恭恭敬敬。一個獨眼人與一個穿死神袍的人看到我,立刻對我說,「惑使官見過魔王大人。」「魔王大人。」我點點頭:「惑使官、死神帝,我叫你地做嘅事,做成點?」「我哋嘅死神已經做咗野,確保果幾個奸商永不超生!」「好!做得好!」我嘴角上揚,十分滿意,向在場官員嚷道:「大家辛苦啦!黎緊我會增加放假quota比大家,總之大家做到嘢,重重有賞!」「魔王大人萬歲。」…

「所以話你哋嘅魔王同我哋嘅上帝真係冇得比!」「魔王大人!我阻唔到佢…」火王爺欄住魔使官,但他還是繼續前進。「火王爺,人地魔使官嘅責任係監管我哋魔族管理層,唔俾佢落嚟,人哋會失職㗎~」死神帝說,「哈哈哈哈…」官員們紛紛笑著。「死神帝,你知你地魔王成日要上帝執手尾㗎啦,我都係按本子辦事炸。」「你…」火王爺正想動手,我喝道:「火王爺,唔好咁計較!」我很有氣場地走向魔使官,他眼神中有被壓倒的退縮。「魔使官,我要趕下場啦,有咩外交上嘅問題,你可以搵鬼判。」我轉身對火王爺說:「火王爺!」「知道。」便一躍離開。

我從幻覺中醒來,利乎教授急不及待地問:「點啊?有冇覺得點?」我嘗試想着幻覺中的能力,可惜沒有反應。「好似唔work…」我苦笑,他有點失望:「嗯…我再諗辦法…」





我有些心不在焉地思考:不知道自己身份還好,還可以當個普通人類,繼續讀書、畢業、升職加薪,盡孝道。但記憶回來後,便記得自己的目的,重啟宇宙,還人類一個公道,打破宇宙不公平的法則。但偏偏記憶有了能力卻沒有,難道真的要等我這輩子結束了才可以回歸正常?

「咇必!…」當我一回過神已經發現我在馬路中心,一輛私家車正衝向我,而且距離只剩一隻手。這一刻我的身體莫名奇妙的低熱,有股能量從地下湧上頭頂。我望著車頭,一伸手,車停了,旁邊的車也停了,耳邊的空氣也靜止了。我看著對面馬路的行人,動作定格了,再看看車窗的反光玻璃,我雙目紅了。難道我有回能力?

「何啟天!」我忽然看到遠處跑來了circle,她衝向我:「頭先聽到架車系咁響安,我一望見到有個人就黎比車撞,之後時間停左,行近d見到系你,嘛死我啦!你有番能力啦?」她撲入我懷,我邊摸她的頭,正想說:「唔知呀,我…」忽然時間開始動,我一手推開她,車輛急煞前還是把我撞倒。只是我倒地時仿佛有軟墊承托,但我也是昏了過去…

「阿仔!」「仔!」「啟天…」… 我迷迷糊糊中醒來,看到父母和circle在我身旁。「我去叫醫生。」媽出了去。「你知唔知醫生話你好大命,比車撞都冇骨折淨係擦傷,嚇死你阿媽拉!」父親說,我看著雙眼通紅的circle,伸手與她十指緊扣:「你睇吓你,喊到腫晒。」「嚇死我啦!」「你有女唔洗理老豆拉?」「唔係呀阿爸,唔好意思啊嚇親你同阿媽。」他摸摸我頭:「好啦我俾你同上神傾陣先。我去搵你阿媽。」

「circle…」我正要說話,她搶先說:「你頭先feel唔feel到有野托住你呀?」我笑了笑:「係你?」「係呀!不過呢,感覺未係好控制到自己嘅能力。」「嗯…我睇我哋係未完全恢復正常能力,所以我頭先先會無啦啦又停左又重啟時間。」「你冇事就得啦…」她很緊張。「不過最起碼,而家有個idea點解會有番能力…」「係生死關頭?」「我諗系喇。」但現在父母已經知道此事,恐怕暪不過李應天。