「歲月將一切淘空,但我守好那片夢…」

「哇好攰呀,飲啖水先!」我大剌刺坐下,大口大口地喝水。「喂,聽講有個人岩岩先出院,仲博曬老命咁唱歌?」「你喎,你而家有冇好d呀何啟天?」我高興地笑著說:「你睇我幾精神就知我冇事啦!大難不死,必有後福嘛~」「哇!心情好好喎天爺!」周洛仁又取笑我,「ok啦~」我偷笑。「我覺得佢呢個笑容似嘴角含春。」高昇果然是學霸,一開口便一語中的。的「係喎!」「喂高昇中point!」岑傲雪和洛仁哥互拍肩膊,之後走到我身邊神色奸詐地盤問我:「點呀?高昇系咪講中咗先?」「真係有新女呀?」「天爺不愧天爺,一個禮拜就到手。好野好野!」我站起來,大大力拍他們肩膊:「係呀!岩岩開始架。」「嗚…」「請食飯!」「阿嫂靚唔靚架?」「點識架?」…他們你一言我一語,我收拾好吉他便說:「行啦八卦鬼。我請食飯,慢慢講好冇?」「天爺!天爺!天爺!」…

「去邊度食呀?」「有冇你地合照呀比我望下?」我們在過路處等待紅綠燈。我正要掏出手機,忽然一輛私家車急速衝上行人路。「啊!!」一聽到有人尖叫,已經反應不及,周洛仁和岑傲雪直接被衝擊,我推開了高昇,車撞倒我的瞬間,我的能力恢復了,一個後空翻軟著地,車隨即衝向燈柱停了下來。我感到有點頭暈噁心,胸口悶痛,但亦恢復魔眼,即是九維智慧體獨有的能力,可以看到不同維度的時空軌跡。現場一片恐慌和混亂,多個途人被撞飛、有人捲入車底、亦有長長血跡和內臟,目測傷亡七至十一人。我拼命在找我的朋友,只見高昇昏倒在我旁邊,我想站起前去,但身體不允許。「先生你點呀?先生…」我動用了魔眼橫掃一下現場,看到有神族使用過能力的痕跡。「神族…」我用盡剩下的能力喊道,之後便眼前一黑……

「你醒拿?」…我醒來已經在醫院,醫生似乎剛剛替我檢查完。他再問我:「先生你知唔知你喺邊呀?」「醫院。」「你叫咩名…」「醫生,我仲有三個朋友:周洛仁、高昇同岑傲雪,佢哋點呀?」他好似面有難色,身邊的circle回答:「佢哋喺其他房,你檢查左先,我再帶你去。」「嗯…咳咳…」雖然心裏有些不安,但我還是乖乖完成檢查。

做完一系列檢查,醫生說除了大腿膝蓋拉傷擦傷和拉傷胸壁肌肉外,其他狀況良好,相當幸運。的確,如果沒有能力保護,我應該至少會內出血和骨折,甚至撞到大腦。





「做咗一日檢查,你可以話我知佢哋而家點啦?」circle似乎很為難,「你唔講我自己開手機睇…」「唔洗…」她阻止我從抽屜中拿出手機,我望向她,空氣寂靜了。「好啦,你跟我黎。」我撐住單拐仗跟她步向附近另一個病房。「高昇!」我看見他左手和右腳腳趾骨折,躺在床上休息。「高昇你點呀?」「sky你有冇事呀?」「我冇事,你呢?」「如果你冇推開我,我真係可能有事。」「唔好講呢啲野!」「做左好耐檢查,都未知你地有冇事。係喎佢地點呀?」

高昇坐上輪椅,由circle負責推著他帶領我們走到深切治療部。「阿雪佢點呀?」高昇問,正好有醫生檢查完走出來。「醫生,岑傲雪佢點呀?我哋係佢朋友。」「岑小姐左大腿同盤骨都有骨折,胸部有撼受,撞車之後腦部受創有血塊壓住神經線,晏d我哋會幫佢做多個檢查,睇吓適唔適合做手術。」「唔該醫生。」我生氣得一拳打在牆上,扯得胸口肌肉很痛。「啟天…」circle憐惜地抓住我的手,不讓我再打。「阿雪起身見到阿嫂,一定會好開心…」高昇苦笑,circle和議:「何啟天,你朋友一定會醒番架。」「周洛仁呢?」

circle把我們帶到殮房,跟工作人員說了幾句。那種冰冷和噁心感是我成為人類以來最強,除了出席過親戚葬禮外,從未有過這種感覺。「係咪…搞錯咗呀?周洛仁喎,洛神嘅洛,仁義嘅仁…」我問,「佢哋話,車禍得一個周洛仁…」「冇可能!」「佢哋話車速太快,所以佢個腦同內臟都…」我忍住自己泉湧般的淚水:「我地…頭先仲好好地…」「佢哋問你地要唔要入去…」「我唔信…」我直接走入去,工作人員打開暫存格,畫面在我腦海中久久不滅…「啊!!!…」我將閉在心中的怒火和傷心狠狠地咆哮出來,一股前所未有的暖流在我身上爆發出來,我把拐仗扔了。「何啟天!」「何啟天!」

我一步步走出醫院,我眉頭一皺,晴空萬里的天際立即迎來烏雲。「神族…」知道我出車禍的只有父母,那就是說,是上帝要我恢復能力跟他回去,是他要挑戰我。「我要你血債血償!!…」我一聲吼叫,各處閃電頻頻,附近渠蓋全部爆開,雀鳥四處亂撞,蛇蟲鼠蟻從地下奔走。