沖完涼,佢淥個杯麵,返入房一邊食,一邊睇Rick and Morty。

佢最近好沉迷呢套卡通片,故事內容講述兩爺孫Rick同Morty,喺唔同嘅平行時空以及宇宙星球之間不停穿梭同歷險。

主角除左會遇到各式各樣嘅外星人,仲會遇見分佈喺唔同時空嘅自己。

佢地所見到嘅另一個自己,有啲生活喺唔同嘅時代背景,有啲擁有唔同嘅性格、職業,甚至有啲係另一樣物種。

呢個多重平行宇宙嘅設定令Mike非常著迷,有時佢會喺度諗,假如呢個世界真係有平行時空,咁另一個時空嘅自己會係一個咩人?





會唔會好似自己咁失敗?定抑或完全相反,係個有錢又好多女屌嘅成功人士?

食飽之後,佢攤喺床上,一邊用iPod Classic聽住歌,一邊對平行世界嘅自己進行各種猜想。

忽然間個腦跳線,醒返起之前喺巴士上執到嘅嗰部機。

趁堆污糟衫未洗,佢馬上去摷返部機出嚟。

驟眼睇落,部機同iPod Classic幾乎一樣。





銀灰色嘅外殼,半隻手掌咁大嘅size,上面有一個細mon同環形嘅轉盤,轉盤中間就有粒圓形掣。

家陣Mike拎上手再仔細睇真啲,發現部機只係外形似,而實際並非iPod Classic。

因為喺機嘅邊位無耳機插頭同叉電口,機背亦都無蘋果logo。

所以呢部究竟係咩機?

Mike出於好奇,隨手轉動幾下個環形轉盤,殊不知就咁不經意開著左部機。





「時空裝置,啟動。」

部機發出一下聲響,同時個mon射出一道紅色嘅光,照向佢塊面。

佢都未反應過嚟,紅光眨下眼就消失左。

下一秒,部機再發出一下機械聲:「掃描,完成。」

個mon好快就重新著返,不過今次唔係亮起紅色光,而係投射出一個立體畫面。

Mike呆一呆,覺得好神奇。

投射喺半空嘅立體畫面望落似一份履歷表,左上角係Mike張大頭照,隔籬列出佢個名,再隔籬就有個括號括住TP-76。

連帶其他資料,大概就係一份咁嘅list:





張啟恆 Mike CheungTP-76
體重:65kg
學歷:副學士
興趣:聽歌
性情:好色、軟弱
職業:無固定工作,依賴打散工維生
月收入:約HKD11000
社會地位:低
感情狀態:單身
性經驗: