穿越時空，冒充平行世界嘅另一個自己，再去呃佢條女上床: （28）

瑤瑤同Mike行去附近嘅海悅廣場，一路上，有唔少麻甩仔偷望瑤瑤兩邊露出嘅白滑膊頭。

當然𥄫得最多嘅梗係喺隔籬嘅Mike。佢仲好想睇埋對方個乳頭。

二人上去商場三樓嘅酒樓飲茶，Mike留意到兩個時空嘅酒樓都係同名。

瑤瑤個老豆老母一早到左，佢地見到「女婿」出現，笑到四萬咁口，即刻斟茶。

Mike擠出生硬微笑，同兩個唔識嘅人打招呼。





「Mike，好耐無見啦！最近點呀？」外父問候。

「Er…幾好幾好…」

「女婿，你睇下想食咩，即管嗌啦，今餐我地請！」外母遞張點心紙俾佢。

Mike係咁意求其圈左幾樣嘢，家下佢個心淨係想快啲同瑤瑤、欣欣同Yoyo三個扑嘢，其餘乜都唔想做。

兩個老人家一開始都係問下近況，寒暄一下，畢竟對方唔係講英文，所以Mike大致上都對答到。





跟住講講下，外父就話：「Mike，你知啦，我地住嗰度幾十年樓齡，係時候要裝修下，不過我地兩老退左休，啲錢都搣得七七八八，想裝修又唔捨得，你話點算好呢？」

「無錢咪問銀行借。」Mike答。

「我兩個退左休無入息，銀行點肯借俾我地，其實筆錢唔係好多，大約就十萬度，唔知你最近手頭鬆唔鬆動，借少少俾我地呢？」

Mike呢下終於意識到呢餐飯嘅來意，原來呢兩條老嘢想借錢裝修。

十萬蚊聽落又唔算係天文數字，Mike覺得呢個時空嘅自己做得醫生，呢啲錢對佢嚟講應該濕濕碎。





雖然有啲自把自為，但最後佢都代另一個自己，應承左借十萬俾外父外母裝修。

外父笑到見牙唔見牙：「哈哈哈！幾時都話我個女嫁左個好老公！唔洗客氣！快啲食多舊燒賣！」

Mike當然就唔客氣食到飽飽。

下晝三點，佢地飲完茶就離開酒樓。

至於大眼妹欣欣已經就喺門口等緊，一見到Mike行出嚟就拖住對方，嚟到同區另一間酒樓。

「哎呀女婿，好耐無見啦！快坐快坐！」

欣欣嘅老豆老母都係一嚟就好熱情咁招呼Mike。

後尾食到中途，對家又開口問Mike借錢：「阿Mike，嚟緊呢我地個仔，亦即係欣欣個細佬，想去澳洲讀書，不過女婿你知啦……」





後面嗰啲都係廢話，重點就係要想借十二萬。

Mike飲一啖茶，思考片刻就答：「我諗都無問題嘅。」

既然啲錢係俾欣欣個細佬讀書，佢心諗換轉另一個自己，照計都會應承。

「哈哈！幾時都話我個女嫁左個好老公！快啲食多舊燒賣！呢餐我地請！」

一連飲左兩餐茶，Mike已經飽到食唔落。

只不過仲有第三餐飯等緊佢。

傍晚六點，Yoyo同佢嚟到紅磡，返女方外家食晚飯。





Yoyo嘅父母抱住隻貓，一早喺門口迎接：「Mike，你嚟啦！你睇我地隻貓貓，睇下起幾掛住你！不過貓貓依家無以前咁精神，醫生話佢個腎有事，要八萬銀做手術...」

Mike一聽到呢啲對白，就知下一句一定係要借錢。

於是佢都未等人地問，就直接答應：「你地想借八萬蚊？好！無問題！」

佢心諗反正最後都唔係自己出錢，慷他人之慨，對自己又無損失，點都應承左先啦。

與此同時，佢好似開始明白，點解朝早呢一個時空嘅自己，返到屋企門口都要調轉頭走人，睇嚟就係唔想應酬三個外家。

短短幾個鐘之內，食左三餐飯，Mike飽到上心口，再加上俾三家人輪流疲勞轟炸，成個人攰到仆街。

好在一返到去有欣欣幫佢捏兩嘢，同埋瑤瑤校好熱水俾佢沖涼。

而Yoyo同Mike都係啱啱返嚟，大家都未沖涼，所以Mike就拉埋對方同自己一齊沖。