穿越時空，冒充平行世界嘅另一個自己，再去呃佢條女上床: （89）

子瑜跑去扶起Mike：「咁渣架，快啲KO佢啦！」

「知啦！」Mike好快企返起身，然後就反擊。

蜈蚣怪體型非常龐大，起碼有十米咁高。

Mike把劍同敵人把鑽比起嚟，接近係蚊髀同牛髀，好在對擊起上嚟，一啲都唔輸蝕。

孭住套防護裝甲，敵人嘅攻擊傷唔到自己，但Mike亦都傷唔到對方，有時眼見要打中，隻嘢又好賤格咁鑽落地下匿埋。





「隻嘢呢…唔見左嘅？」子瑜低頭掃視地下。

「唔通走左佬？」Mike左右張望，卻感應唔到蜈蚣怪嘅動靜。

過左十分鐘左右，隻嘢都唔肯出現，佢地認為蜈蚣怪已經敗走，決定啟程返去診所。

就喺另一邊廂，有三個意想唔到嘅人時空轉移，出現左喺呢個時空。

Mike拎住袋嘢食，轉入一條巷仔，一唔小心就同嗰三個人迎頭相撞。





「Oh shit！It hurts！」一個滿口英文嘅男人掩住個頭。

Mike望住對方，仲另外嗰兩個男人，擘大個口，呆撚左：「你…你地…咪…咪係...」

佢已經驚訝到講唔到嘢。

面前呢三個男人一個著住皮褸，留左兩撇鬍鬚，一個戴眼鏡著醫生袍，另一個就梳曬頭，講曬英文咁。

佢地咪就係Mike之前遇到嘅，三個嚟自另一個時空嘅自己？？？





「美國Mike」認真全身打量Mike，直覺話俾佢聽，眼前條友就係害到佢老婆走佬嘅男人。

「You motherfucker！唔好以為著左套甲就唔認得你！」

「美國Mike」情緒激動，將Mike一嘢推埋墻：「就係你！就係你條仆街搞我老婆、搞我情婦！最後仲累到我離婚！」

「點…點…點解…你地…會嚟左呢度嘅...」Mike簡直唔敢相信自己對眼。

「係用我穿越能力帶佢地嚟揾你。」「皮褸Mike」撥一撥頭髮講，「佢地兩個話，有個人由另一個時空穿越，假冒自己搞佢老婆，原來嗰個就係你。」

「Finally，揾左咁多個時空，卒之俾我揾到你條仆街！」

一見仇人，分外眼紅，「美國Mike」jer住Mike嚟鬧：「你知唔知你搞到我老婆同我離婚！仲有，你居然整爛左埋我珍藏嘅外星人圖鑒，請問你點樣賠返本書同老婆俾我！」

「即係話，你嘅穿越能力，係可以帶埋人穿越？」Mike完全無理過「美國Mike」，追問有穿越能力嘅「皮褸Mike」。





「嗯，係呀。」對方點頭回答。

子瑜一聽到呢句，立即眉飛色舞：「哈哈！睇嚟我地今次得救啦！」

「Hey！I’m talking to you！」「美國Mike」就叫Mike留心聽自己講嘢。

Mike就回答：「有咩遲啲先講，呢度好危險…」

「咚窿！」

說話都未講完，地下就傳嚟劇烈震動。

Mike心諗今次仆街啦，大嗌一聲：「大家散開！」





半秒後，巨型蜈蚣從地底鑽穿地面，向上攻擊。

咁啱攻擊位置就喺「皮褸Mike」嘅腳下。

巨鑽升起，隊中「皮褸Mike」嘅心口。

「啊！！！」

「皮褸Mike」面容扭曲，巨型鐵鑽轉穿左心口，血水飛濺，皮肉綻開。

畫面非常血腥，子瑜遮住對眼唔敢睇。

只有另外三個Mike眼定定咁望住。

Mike嚇到呆左，眼都唔識眨。





「醫生Mike」見慣血腥場面，呢啲對佢無乜特別。

「美國Mike」嘅眼神就透露出一絲恐懼同驚喜：「Unbelievable...This is…drill monster…Sesca！」