穿越時空，冒充平行世界嘅另一個自己，再去呃佢條女上床: （97）

觀戰嘅摩迪加有啲心急：「咁嘅貨色都要搞咁耐，咁渣架！」

Mike揾唔到敵人嘅破綻，唯有求教另一個自己：「美國鷹，隻嘢有無咩弱點？」

美國鷹剛才一路旁觀，一路都有替Mike諗緊辦法：「水剋火！出水系攻擊！」

問題係，秘笈咁多招數入面，有風火雷屬性，偏偏就係無水屬性嘅攻擊。

四周瀰漫住高溫嘅空氣，Mike落於下風，形勢十分被動。





佢身上件甲已經被敵人嘅火焰，辣穿左五六個窿：「可惡！真係唔應該揦屎上身。」

全身燙滾得出煙嘅鐵馬騮，發射出圓形光波，呢一刻嘅光波比之前已經大左好多倍。

Mike要橫移多幾步先避得開，敵人卻早就預計左佢躲避嘅方向。

「砰」一聲，鐵馬騮射出嘅烈焰炮，恰如其分咁命中對方身體。

子瑜、美國鷹同埋其他人，見到Mike中招中到應，都要擰歪面，不忍直視。





不支倒地嘅Mike，雙手手臂嚴重灼傷，剛才佢用雙手保護自己心口，先擋住對方一招。

「咁多嘢唔做，學人做架兩？」鐵馬騮慢慢行過去，想近距離出招處決對手。

「Fuck！點算好！」

美國鷹左騰右騰，好想諗辦法幫Mike：「大家有無收埋啲武器之類嘅嘢，或者可以幫手對付一下隻嘢！」

子瑜拎出自己配槍：「我有槍，但我諗就無乜用。」





美國鷹見到對方um槍嗰陣，跌左個插頭出嚟。

佢執起個五腳插頭：「呢個咩嚟架？」

「呢…呢個係隻三角錐體怪身上，嗰啲控制人嘅插頭，係我之前執嘅。」

「三角錐體嘅怪？咁我知係咩啦，佢嘅插頭有操控能力，照計係可以操控同佢Level，或者比佢低級嘅外星人。」

美國鷹快速掃視四周，發現五十米外處，嗰兩隻匿喺一架電單車後面嘅外星人。

其中一隻係液體形狀，話唔定可以用嚟撲火。

美國鷹拎左兩個插頭，靜靜雞從後偷襲，將兩個插頭分別插入，兩隻外星人嘅後腦。

當插頭插入，就延伸出兩條線。





美國鷹揸住兩條延長線，按住心中指令，操控兩隻C級外星怪物。

鐵馬騮越嚟越接近，差唔多行到Mike面前。。

「Hey！American Hawk出場啦！」條友左手拉住長毛怪，右手扯住液體怪。

以水克火，喺美國鷹嘅控制下，液體怪衝過去噴出透明液體。

「熊！！！」

殊不知，鐵馬騮俾啲液體冧完，身上再冒煙，散發出更高溫嘅溫度。

「頂！你淋左乜嘢呀，火水嚟架？」眼見敵人殺到埋身，Mike忍住雙手灼傷嘅痛楚，快脆起返身。





「Shit！記錯左，隻液體怪全身係煤油組成，唔可以淋落去。」美國鷹腦袋快速運轉，諗緊仲可以出咩招幫手。