穿越時空，冒充平行世界嘅另一個自己，再去呃佢條女上床: （126）

Mike掹返「細佬」出嚟，龜頭上有啲血絲，證明子瑜真係處女。

完事以後，佢地兩個攤喺床上依偎。

一人戴一邊耳機，聽住溫馨嘅音樂，享受美好嘅二人時光。

「Mike，我地依家算唔算係一齊左？」子瑜挨喺Mike嘅膊頭。

「嗯…我諗應該算係嘅。」Mike咁大個人都未拍過拖，佢都唔知依家佢地算唔算係男女朋友。





「下？乜人地同你做完嗰啲嘢，都只係應該渣？」子瑜有啲失望，扁起個嘴。

「唔係唔係，唔係應該，係肯定。」Mike即刻解釋，「其實我都係第一次同 女仔拍拖，有好多嘢都唔係好識。」

「拿，總之你認左係架啦！以後我就淨係屬於你，你亦都淨係屬於我！所以我警告你呀，你唔可以再同第二啲女仔咩呀，就算要鹹濕，都只可以鹹濕我一個！知唔知？」

「得啦，我以後淨係鹹濕你一個。」Mike揸一下子瑜對波。

「咦，你好衰架~」





「又係你叫我鹹濕你嘅…」

二人喺被竇入面打情罵俏，之後陶醉喺甜蜜嘅歌曲中，擁抱著入睡。

「千萬年人和人遇過了
怎相信同行仍遇上了
這邂逅 然而誰能預告
這刻故事 已開始蔓延
……」






※ ※ ※



喺時空使者之中，有一隊精銳部隊，佢地當中有忍術高手、劍術大師、超能力人士等等，總之每一個都身懷絕技。

佢地奉命嚟到呢個AL-79時空，捉拿帝洛斯。

「No！Don’t Kill me！」一個cosplay成魔迪加嘅男人俾帝洛斯捉住，並大聲求饒。

「佢呢個打扮好乞我憎！」

就喺帝洛斯出手，想殺死對方之際，一堆忍者鏢擊中佢嘅背脊。





佢即刻放開手，擰轉個身，見到十幾個著住黑色制服、手執各種武器嘅人：「喂，你地係咩人？」

「我地係時空使者，係嚟捉你返去，送你返去原本嘅時空！」一個揸住四把刀嘅男人對帝洛斯講。

「放心，要返嘅話，我自己會返，唔洗勞煩你地。」

「廢話少講，拿拿臨束手就擒！」

一個時空使者擁有隱身嘅能力。佢神不知鬼不覺咁行到帝洛斯身邊，想近距離攻擊。

殊不知，帝洛斯早就感應到，一手就輕鬆擋開左：「好！既然你地想玩，咁我就陪下你地！」

佢條尾輕輕一fing，攔腰打死隻隱身人，隨即成條尾飛脫埋出嚟，化成兩把邪合劍。

「你地係要輪流上定係一齊上？」帝洛斯身上散發出可怕嘅氣息。





一班時空使者感受到嗰一股氣息，不禁背脊一寒。

但係，喺呢個時候， 佢地無可能臨陣退縮，決定頂硬上，一齊圍攻對手：「等我地嚟收拾你！」

事實上，無論係輪流上，定係十幾個一齊上，對帝洛斯嚟講，其實都無乜分別，都只係幾下手勢就能解決到嘅事。

只係短短五分鐘，佢就將班時空使者打敗：「哈哈，真係不自量力！」

此時此刻，遊戲動漫嘉年華遍地屍體，空氣中瀰漫住血腥味。

帝洛斯覺得呢度已經無嘢好玩，想行出去會場外面睇下，點知眼尾忽然睄到，腳下有一部銀灰色嘅小機器。