穿越時空，冒充平行世界嘅另一個自己，再去呃佢條女上床: （131）

攻左一輪都唔掂，咁就輪到敵人反擊。

空間殺手一拳窩落Mike嘅心口，再一腳將佢踢飛。

Mike背脊撼落石壆度，痛到幾乎嗌出嚟。

「Mike，你點呀？」

子瑜行去想扶起Mike，點知隻外星人連佢都唔放過，衝埋嚟用頭頂開佢。





一下子，子瑜飛到去十幾米咁遠，跌落地下暈低左。

「仆你個街！」Mike見到子瑜受傷，火到嚟埋，即刻起返身，瘋狂出招攻擊。

問題就係，無論佢出邊一款招數，結果都係無用。

空間殺手猶如擁有金剛不壞之身，任何攻擊對佢嚟講都係無效。

佢一手擋開Mike把劍，跟住一個下勾拳，從上而下兜落對方個下巴度。





Mike再次被擊倒在地。

之後，空間殺手左一拳右一腳，將其他人都打到統統訓低。

總之喺呢個異度空間之內，佢就係無敵。

「可惡！」Mike唔肯認輸，以把劍作支撐，慢慢起返身。

佢對眼瘀左一撻，手臂手踭流曬血。





咁嘅情況下，睇嚟佢只能夠使出嗰一招。

同子瑜做完愛，佢獲得一招新嘅招式，翻查過秘笈，呢一招十二招入面嘅最後一招。

呢招唔似其他招，無具體標示任何性愛招式，嗰一版接近空白，就得一滴血嘅圖案。

Mike估計嗰滴血代表處女血。

只要同處女做愛，無論用咩性愛姿勢，都會練成呢一招。

至於點解佢一直都唔使出新招，原因係佢驚自己控制唔到。

全秘笈最後一招必殺技，威力睇怕非同小可。

「天…」Mike一舉起劍想出招，空間殺手飛膝撞擊，將佢再次打到趴地。





睇嚟敵人唔想俾機會佢反擊。

「Mike！」啱啱左嘅子瑜mak大眼醒返，就見到Mike俾人咁樣㩒住砌，忍唔住衝上去幫拖。

可惜子瑜只有救人嘅心，卻無救人嘅能力。

一埋到去，空間殺手出手叉住佢條頸。

「咳咳！」子瑜條頸被人捏住，就嚟抖唔到氣。

「你隻外星人，快放開你隻臭手！」Mike重新起返身，手中嘅蒼靝閃爍住耀眼嘅光芒。

空間殺手擰轉面，望Mike一眼，而就喺擰過嚟一瞬間，刀光喺佢臉上乍現。





下一秒，佢捉住子瑜嗰隻手一分為二，令佢大嚇一跳。

咁耐以嚟，除左帝洛斯之外，從來無人可以喺佢嘅異度空間入面，傷害到佢半分。

Mike雙手高舉長劍，把劍所釋放出嘅強大力量，令到佢雙手以至全身都不禁顫抖。

劍身發出嘅光直射到上天，穿透漆黑嘅夜空，大風大雨瞬間消失，條橋亦都恢復平穩。

MIke全身喺度震，把劍嘅力量似乎想將佢吞噬。

佢嘅呼吸變得急促，有一種接近窒息嘅感覺。

儘管如此，但佢都死頂住，拼盡全部力氣，跳起垂直劈殺。

「你隻外星人！受死啦！」





剎那間，閃耀著光芒嘅長劍，喺半空之中，劃出一道美麗嘅弧線。

「Arhhhh—」

空間殺手發出哀嚎，被徹底割成兩半，然後粉身碎骨。

呢招就係必殺技：天誅·破夜斬。