穿越時空，冒充平行世界嘅另一個自己，再去呃佢條女上床: （147）

獸頭、鳳翼、麒麟尾。

Mike稱之「獅子麒麟鳳」。

「Rauuugggh！！！」

三頭魔龍仰天向住召喚獸咆哮，更發射出散彈激光炮。

獅子麒麟鳳動作敏捷，逐一避開嗰啲散彈炮，跟住降落喺Mike面前。





「Wow！That’s so cool！」美國鷹稱歎。

阿鬼、子瑜同張醫生佢地目定口呆，眼甘甘望住隻神獸。

魔迪加雖然無親眼睇見，但都感覺到一股不一樣嘅氣息。

Mike騎上神獸身上，展開大反擊。

三頭魔龍表示未驚過，踏步上前迎戰。





佢每踩出一步，地下就會微微震動一下。

Mike騎住獅子麒麟鳳，徘徊喺敵人頭上上空。

秘笈嘅第十同第十一招都係神獸嘅配招。

Mike大嗌一聲，指令神獸使出「羽毛麟刺」。

獅子麒麟鳳快速扇動對翼，幾百幾千支羽毛揮如雨下，化成密麻麻嘅發光尖刺，猛擊對手。





「Ah！！！」三頭魔龍發出痛苦嘅叫聲。

神獸乘勝追擊，由空中垂直衝落嚟，擘大佈滿利齒嘅嘴巴，大啖噬左對手條頸一啖。

三頭魔龍唔願意單方面挨打，把握機會近距離三招齊發。

結果神獸閃避不切，條尾中左腐蝕彈，即刻融左一忽，除此之外，對翼都中左幾下散彈激光，穿左幾個窿。

實力上嚟講，雙方都算係勢均力敵，而Mike擁有制空權，本來係有些少優勢。

殊不知，三頭魔龍忽然形態進化，多左一對翼出嚟。

家陣兩隻怪獸喺空中互相廝殺，一時埋身肉搏，一時又用遠攻。

Mike指令神獸使用第二招技，「修羅之怒衝」。





阿修羅屬於古印度中嘅惡神，此刻獅子麒麟鳳面露極兇之相，全身上下釋出地獄般嘅氣息。

佢收合翅膀，集合全身之力，化成惡神，以音波一樣嘅速度，直接激撞敵人。

三頭魔龍完全避唔切，從空中一嘢狠狠被撞落地下。

「咚隆」一聲，方圓百米之內嘅地下全部裂開左，撼出左個大坑。

機會難逢，Mike高舉蒼茫之劍，喺神獸身上跳落嚟，順勢用必殺技了結敵人。

三頭魔龍起返身，嗰三個龍頭瞄準上空嘅Mike，一次過擊出三招。

腐蝕炮彈、散彈激光以及破壞死光炮集合一齊，同時間攻擊對手。





「天誅·破夜斬！」

長劍垂直斬劈，劍身閃爍住嘅光芒排山倒海，掩蓋一切。

一瞬之間，四周圍被淹沒喺一片白光之下。

「Ahhh—」

雙眼咩都睇唔到，只聽到一陣哀嚎。

大約過左五秒，光芒先至漸漸消退。

絕招一出，剛才係威係勢嘅三頭魔龍就被徹底擊倒。

出完招之後，Mike同上次一樣，身體過度消耗，雙腿企唔穩跪低左。





其他人即刻過嚟扶起佢。

張醫生同佢老婆第一時間，為Mike檢查一下身體情況。

好在Mike今次頂得住無暈低，不過嗰招必殺技睇嚟係唔適宜用得太多。

三頭魔龍瓜左，嗰三個龍頭都縮細左，變成三隻手套。

美國鷹用融合泡泡槍，將三個頭融合成一體，變成一隻三頭龍手套，並將此收歸為自己嘅武器。

檢查過Mike無乜大礙後，佢地就繼續向住目的地前進。