穿越時空，冒充平行世界嘅另一個自己，再去呃佢條女上床: （158）

只不過，毒藤蔓獸嘅藤鞭係有再生能力，因此無論斷左幾多條，都會好快生返出嚟。

「比起頭先你確實係犀利左，但想打敗我，似乎仲未夠班喎！」

毒藤蔓獸講完呢句，阿鬼分離嘅四肢忽然間一齊消失唔見左。

佢知道對手一定係唔知轉移左去邊度。

左望右望，再抬頭向上一睇，果然不出所料，阿鬼就喺佢頭頂。





阿鬼重組返自己嘅身體，凌空一招「天外飛仙」，由上而下直衝落去攻擊敵人。

毒藤蔓獸已經識穿左，即刻向上fing出藤鞭還拖。

眼見對方所有藤鞭都衝住自己而嚟，阿鬼立即瞬移，轉變方向。

毒藤蔓獸早就預見到呢一著，於是用最快嘅速度擰轉身，捉到對手想從後偷襲：「又係呢招，比啲新意好無！」

毒藤蔓獸嘅藤鞭隨之調轉方向，反包圍返阿鬼。





阿鬼再一次被綁住曬啲手腳，無法郁動。

「同一招用兩次已經唔得，你仲要用三次？你當我傻架？」毒藤蔓獸用力拉扯藤蔓，想將阿鬼五馬分屍。

「呵！」

儘管形勢落於下風，但阿鬼卻好淡定咁fing一fing頭髮，笑左一聲。

「有乜咁好笑？死到臨頭仲…」毒藤蔓獸講講下，突然發現阿鬼雙手都無左手掌。





就喺呢個時候，兩道刀光快速閃過。

阿鬼嗰兩隻分離嘅手掌，帶住尖刃，一左一右插入毒藤蔓獸個頭。

「你…你…」毒藤蔓獸嘅頭插住兩把刀刃，黑色嘅血液巴巴聲流出嚟。

「呢一招夠唔夠新意？」阿鬼嗰兩隻手掌，連隨刀刃，喺對方嘅腦中抽走出嚟。

然後切斷纏繞喺身上嘅藤蔓，最後接合返到手中。

呢一刻，勝負已定。

毒藤蔓獸不支倒地，血流不止。

一時大意就導致一敗塗地，佢輸在太過輕敵，無料到阿鬼呢下出其不意嘅攻擊。





阿鬼本來想chok下樣，懶係型咁講啲勝利者宣言，無奈時間無多，得返唔夠三十秒就到三十分鐘。

所以佢都唔搞咁多嘢，一嘢批斷外星人個頭，徹底咁了結敵人。

隨即佢挖開對方個身，終於拎左嗰一樽解藥出嚟。

張醫生嘅老婆埋嚟幫手，拿拿臨喂大家食藥。

等左差唔多五分鐘，等到阿鬼頸到長埋，嗰啲藥力先至生效。

Mike、美國鷹、張醫生、子瑜，佢地臉上嘅紫斑仲有身上嘅黑色素，慢慢咁消退。

再過多陣，眾人包括魔迪加終於都清醒返。





「好囉好囉，一天都光曬，你地無事就好！」阿鬼拍拍心口，鬆一口氣。

「阿鬼係你救返我地嘅？」Mike問。

「梗係啦！全靠我你地先醒得返渣！」阿鬼懶得戚咁撥一下頭髮。

「呼呼—呼呼—」

忽然刮起一陣風沙，又吹亂左阿鬼嘅頭髮。

「終於俾我揾到你地！」力天奴殺到，尋尋覓覓，佢卒之揾到Mike佢地「快啲還返帝洛斯bb隻角俾我！」