【BL|耽美】《我終於勾引到青梅竹馬同我夜夜笙歌》 | 又名《解鈴》: CH5 人生真係好撚難 一波未平一波又起 / 風吹走困惑創傷

眾人聽到這出人意料的消息，驚愕地睜著眼睛，久久說不出話來。


世界真他媽的細小。


林沁玥是最先反應過來的人：「你講緊喺你細細個嗰陣不辭而別嘅男仔？」


「嗯。」






她好奇問：「你點認到佢㗎？」


蕭楚灝毋庸置疑：「一望就覺得係佢。」


袁允渝懷疑：「你會唔會認錯人咋，人有相似㗎嘛。」






「我覺得佢唔會認錯。」楊仲凌明白蕭楚灝對柳曦宜的執念，確信他不會把魂牽夢縈的人認錯。


「咁你嗰陣點面對佢？」


「我嗰吓好亂，真係好亂，我都唔知自己做咗咩。唉屌。」蕭楚灝嘆氣，雙手掩面，往兩頰到額角推開髮絲。






「佢認唔認到你？」


「我都唔知。」


「咩啊，咁如果佢認到你會同你相認㗎嘛。」袁允渝不解地問。


「咁佢應該認唔到我，話晒都過咗咁多年。」


「真係冥冥中自有主宰，如果今日唔係阿渝叫你代佢當值，你可能成個form6都唔會遇到佢。」楊仲凌慨嘆命運的奧妙。






林沁玥若有所思的說：「可能個天都想俾機會你再見返佢呢。」


「係啩。」


「話時話，佢個樣有冇好大變化？」



「冇乜，靚咗算唔算？」蕭楚灝苦笑。


柳曦宜相比兒時的樣子確實沒太大差異，仍然是一雙惹人憐愛的眼睛、白嫩的臉龐、看起來柔軟細滑的黑髮。






要說哪裡和先前不一樣，大概是眼神中失去不諳世事的靈氣、說話時巍巍顫顫的，一點不像小時候輕輕快快的語調。


「妖你啦，仲講得笑即係冇事啦。」袁允渝嘲諷著，為自己剛才的擔心惋惜。


「唔好諗佢住啦，如果唔係你真係俾車車死，想再見都冇得見。」一向溫潤的林沁玥鮮有地毒舌。


「而家唔好諗咁多，你再撞到佢再算，嗌嘢食啦，攞啲麵塞住個腦就唔會煩。」在聊天間他們早就把點餐拋諸腦後，楊仲凌是首個想起的人。



「妖。」蕭楚灝在與朋友們打打鬧鬧中，心情逐漸緩和。








--

蕭楚灝和溫楚穎的Alpha母親溫珏在廚房把火龍果切成工整的一小塊，喊了喊在客廳抹枱的妻子：「老婆，可唔可以幫我攞入去俾穎仔？」


「好啊。」


蕭曖媛見溫楚穎趴在床上對電話的另一端說說笑笑，為了不打擾女兒與別人聊天，她用氣聲說：「食生果喇，我擺喺度。」






溫楚穎用口型說了句無聲的：「唔該媽咪。」再繼續對著電話說話。


片刻，她從房間走出來，蕭曖媛接著問：「穎仔，同邊個傾得咁開心啊？」


「一個friend咋嘛。」


「返學先見完咋喎，洗唔洗返到嚟仲傾幾粒鐘啊，咁痴纏。」蕭曖媛調侃。


「唔係啊，我同佢真係friend嚟㗎咋，佢今日唔開心吖嘛，所以我同佢傾計諗住分散吓佢嘅注意力囉。」


「哦，原來係咁，咁佢而家好啲未啊？」


「好啲啩。」蕭楚穎搖搖頭，有點不確定。


叮噹——


溫楚穎急忙扭開大門的銀色門鎖，沉甸甸的門不論開多少遍仍是有點吃力：「大佬你返嚟嗱？」


「係，媽咪我返嚟喇。」


蕭曖媛：「返嚟就啱，你快啲除咗啲校服，擺落洗衣機，撈埋穎仔啲校服一齊洗，如果唔係搞到好夜都未洗完。」


「好。」


蕭楚灝走到廚房玻璃門外，扯開海軍藍色的領帶、脫下純白校服襯衣，正在解開皮帶之際，alpha母親溫珏連忙制止制止他。


溫珏：「大佬，你做咩喺度除衫？喂，停手！唔好再除褲！停喇停喇你唔好再除落去！」


「媽咪話叫我快啲擺落洗衣機喎。」蕭楚灝壞心眼的笑著。


「妖，咁你都唔洗喺度除，影響市容！咁西懶㗎你，行幾步都唔入廁所除，你快啲躝入去廁所啦。」


「我本身諗住開機之後先沖涼。」蕭楚灝重新穿回襯衣，無可奈何的看著alpha母親。

「我唔係咁嘅意思啊，我意思係你沖完涼出嚟先開機，冷親你啊，快啲去啦。」蕭曖媛沒好氣地說。


蕭楚灝隨即走進睡房，先在洗手間的污衣籃放下領帶，再打開黑色的啞面衣櫥，取出乾淨的淺石板灰色睡衣，進入浴室。


他隨即脫下襯衣，露出精壯的腰、塊狀的胸肌和六塊腹肌結實分明、隱約可見的人魚線匿藏在西褲中。


脫掉西褲後，淺灰色的CK內褲掩蓋不住碩大的利刃。


37℃的溫水由花灑中規律有力地灑下，抑制劑隨著流進去水位淡開，蕭楚灝沒刻意的控制著信息素，整個浴室內彌漫著淡淡的蘭姆酒味。


蕭楚灝家裏人信息素都是各種不同種類的酒精。


Alpha母親溫珏是龍舌蘭、omega母親是倫敦乾琴酒、妹妹溫楚穎是貝禮詩奶酒。



而蕭楚灝自十一歲分化後，信息素的濃度隨年齡逐漸增長，先是最開初的淡白蘭姆酒到現在的濃黑蘭姆酒。


洗澡過後，他把骯髒的校服放進洗衣機之際，依稀嗅到焦糖餅乾甜絲絲的香氣。


下午才感知到的味道熟悉得不像話。


「穎仔，入一入嚟。」


見兄長煞有介事且略帶嚴肅的問，溫楚穎心裏有點兒發寒，暗地裏打了個寒顫。


畢竟兄長不苟言笑並聲色俱厲是真的可怕。


「做咩啊？」


「你今日做過咩嚟？」


「咩叫做過咩嚟？」


「有冇發生啲咩特別事？」


「冇啊？你做咩咁問？」


蕭楚灝定睛看著她的眼睛，俄頃，開腔：「你今日有冇同人摷過？」

「吓？冇撚嘢啊？我似啲立亂同人亂搞關係嘅人咩？好多時我都係得把口講吓咋嘛，你又唔係唔知？」溫楚穎錯愕的看著她哥，雙手攤開，有口難言。


「我唔係咁嘅意思，我都唔係想管你，但係你啲校服有其他人信息素味。」


「有咩？邊有啊？」她慌忙從洗衣機中尋找今天穿著過的校服，把頭哄前，貼近衣服，嘗試尋找兄長口中所說的信息素。


「冇喎，真係冇，唔信你聞吓。」


蕭楚灝接過衣服，僅餘的焦糖餅乾信息素湧入鼻腔、甜滋滋的味道牽扯著蕭楚灝的腺體，他隱忍地問：「你真係聞唔到？」


溫楚穎用力搖搖頭。


「媽咪，你哋過嚟吖，睇下聞唔聞到信息素味。」她決定召來更多證人以示自己的清白。


她簡略的描述事情緣由，讓母親們一探究竟。


溫珏：「冇喎，冇味喎，你聞到咩？」


蕭曖媛：「Umm……真係冇乜味，如果真係夾硬要講，有少少拖肥糖味。」


蕭楚灝：「係焦糖餅乾味。」


溫珏問：「點解你件衫會有焦糖餅乾味？你信息素唔係baileys咩？」


「吖！我突然醒起，我今日晏晝攬過個同學啊，唔知關唔關事呢？不過……我一路都冇聞過佢信息素，唔知係咩味，同埋其實我唔係好清楚佢係alpha beta定omega……」


「你攬住佢？」蕭楚灝竭力讓自己保持冷靜。


溫楚穎答：「係啊，見佢唔開心諗住安慰吓佢咋嘛。」


「晏晝幾時？」


「我唔記得喎，大概係lunch一半嗰陣啩。」


「嗰個同學咩人嚟？」


「你有冇印象開學嗰陣我同你提過個插班生，咪就係佢囉。」


蕭曖媛問：「大佬你問阿妹咁多嘢做咩？」


「冇嘢，純粹問吓。」說畢，蕭楚灝把所有校服放回洗衣機，倒入洗衣液，關上洗衣機們，按了按鈕調教好合適的模式後，走出廚房。


「我返房先。」


留下這樣一句，讓她們仨站在廚房摸不著頭腦。