[微血腥] 覺能之戰 (逢二、四、六更新): 覺力賽篇第十三章: 慘敗 (二)

「一啲都唔知，你都知我地分開練㗎啦！」詡搖搖頭，梓旻慢慢靠近詡，拿了數個芝士薯圈放進口，這是梓旻喜歡的味道

「我知！嗰個陳德晉！」楓興奮的，近乎大叫般說：「佢幾弱，但又超固執又脾氣臭，好似以Buck為目標！」

梓旻立即在腦中否決了楓形容陳德晉弱的看法，他不想再因這些主觀的想法令他輕敵，但他還是接受了她形容陳德晉固執及脾氣臭一說。

「咁就煩死人喇！」美慧露出不滿的表情，接著說：「以我所知，盲妹仲有同一位研究組同埋一位上年加入嘅隊員一組。上年加入個位叫岡仔，P隊成員，佢本身冇乜特別，能力中等，平平凡凡咁啦！」

美慧又拿出手機展示岡仔的樣子，岡仔的皮膚白晢，似乎比盲妹更白，他五官精緻，加上穿著衣服也看得出的鋼條型身材，好看得像一個明星一樣。他的A Mark是在左右手前臂，左右手腕至手肘都有一條像鎖鏈的A Mark。





「冇乜特別⋯你又知道佢嘅能力？又唔見你知其他人？」詡質疑道

「我知⋯因為佢特別在佢同盲妹個種曖昧關係，冇公開講清楚過。」樺有點害羞的低頭笑笑

「聽八卦嘢最醒神！」美慧奸笑道：「而研究組Ear Mark，叫澈硯，負責屍體處理組⋯」

「屍體處理？」梓旻、詡、楓及樺四人齊問

「係！」美慧皺眉回答，四人的叫聲令她不太舒服。她開始在手機中按出澈硯的樣子，澈硯非常年輕，眉清目秀的，留有一把烏黑而濃密的秀髮，一團短髮之中留了一小束馬尾長髮，且光看笑容也知他是個很有自信的人。他的A Mark圍著兩耳的外側，由耳骨至耳垂，再伸延至頸部，如耳機的線掛在頸部兩側。





「要處理屍體？」梓旻再確認一次

「係！」美慧更不耐煩

「研究組有屍體要處理？」楓又再問

「係呀！字面講曬啦下嘩？使唔使問三次呀？」美慧有點生氣

「第一次聽，屍體處理組做咩㗎？處理咩人嘅屍體？」樺好奇問





「同AP有關嘅死人，不論人類定黑影怪物嘅屍體都會處理，用嚟研究。澈硯負責修復屍體，短暫活化已死組織⋯」美慧很不耐煩的講解

「活化已死組織？死咗都可以？」詡再問

「唉……係，佢係唯一一個可以咁做嘅人，但唔可以死而復生。雖然好似好勁，但用係活人身上，被治療嘅人會因為過度活化或治療而感覺到強調嘅痛楚。另外，佢可以快速強化其他人嘅力量，但會令人因為過度強化而強烈不適。」美慧嘆長氣，放棄了生他們的氣

「即係佢幫唔到手啦！」楓有點高興的說

「緊唔係，你唔記得Rose咩，可以醫人，亦可以傷人呀！」梓旻提醒

「呀！係喎！」楓恍然大悟的張大口道

「咁睇牌面我地似乎處下風喎！」樺表示憂慮

「咁又唔好未打先認輸⋯」梓旻心裡仍然有一絲渴望可以獲得勝利





「係喇！我地照返上次嘅方式應戰啦！但今次我地要更加出力，更加謹慎！」美慧也說出鼓勵的話

緊張的心情下時間過得特別快，他們再度回到賽前休息室。對比上一場比賽，梓旻及樺此刻心情比之前更沉重，二人都坐在休息室一角沉思起來，令其他三人不敢出一句聲。詡因這緊張的氣氛感到非常不自在，他的直覺告訴他即使他說什麼安慰人的說話都沒有用，閉上嘴靜靜地等待才是最佳方案，他甚至不敢四處走動。美慧也很識趣的靜下來，適當時候就把楓拉過來迫她坐下。楓似乎是唯一一個不緊張又沒有被這沉重的氣氛影響的人，她那異常輕鬆的狀態是最令梓旻不解的。

隨著比賽的聲效播出，螢幕畫面顯示了比賽場的平面圖及資訊，這次他們被安排到D區出發。梓旻的臉開始脹紅起來，眼睛緊盯着螢幕上所顯示的A區敵方名單，那一瞬間彷彿只剩下他一人，自身兩邊的人與物也變得模糊，腦海中不斷浮現美慧及楓對敵方隊員的評語，耳只聽到自己呼吸聲、吞口水的聲音和心跳聲。