[微血腥] 覺能之戰 (逢二、四、六更新): 謊言與隱瞞篇第三十五章：新高級隊長(四)

於第二天的早上，其他隊伍都忙於整理及收拾總部的時候，梓旻、詡及澈硯被姐姐叫到主研究所集合。距離上次梓旻來主研究所已經有一段時間，出入口已被收拾好，驟眼看只是一個完整的草地，除非是熟悉的人否則也較難找到草地下的出入口。可能澈硯經常要出入主研究所，所以他很快便找到研究所的出入口，並帶領他們兩人一同進入。

剛進到主研究所，他們便看見姐姐站在首層的中心等待他們。姐姐看見他們後沒有哼一聲便轉到升降機去，他們也自然的跟隨着姐姐走。四人在升降機裏也沒有發出一聲，氣氛十分尷尬。為要打破這尷尬的氣氛，或是梓旻心急想問問題，他便首先開口打破沉默的局面。

「家姐，你究竟幾時得到能量㗎？」梓旻盯著姐姐問

「黑影日失蹤嗰七天裏面我已經得到力量。」姐姐沒有望回梓旻回答

「點解一直都唔同我講？」梓旻繼續問





「就係知道啲力量危險，唔想你掂。點知你最後都要入隊。」姐姐仍沒有望向梓旻回答

「如果你一早已經有咁強嘅力量，你根本可以做到好多嘢，例如保護嗰啲打前線嘅先鋒隊隊員。唔使佢哋死得咁無辜！」梓旻有點氣憤，因為他想起亞豪的死

「我只係要保護屋企人已經用咗好多心機，如果我分散去保護其他人嘅話，一嚟會到處樹敵，二嚟保護你哋嘅力量弱咗，最終就好似你引啲敵人嚟屋企一樣。你可能好想成為英雄，但我唔想！」姐姐終於望向梓旻，又提起昨天複製人來到家裏找父母的事，這讓梓旻不能反駁，儘管知道這可能是自己的錯，但梓旻仍心裏不爽

「咁點解楓嘅細佬話你同佢爸爸有約定？難道佢哋唔係敵人？而家佢哋派人嚟殺我，都可以怕你殺阿爸阿媽！」梓旻質問她

「我喺失蹤嗰七日裏面認識到佢爸爸，我哋約定唔會傷害大家以及大家嘅屋企人……」姐姐未説完，梓旻便插話





「咁而家仲有人殺我？點解呀？唔通佢哋唔知道我係你細佬？咁佢哋知唔知道邊個係你阿媽阿爸？」

「唔落命令殺我同屋企人啫……但只要佢唔制止都一樣可以殺死我嘅屋企人。我估唔到你咁快就焫着啲手下啫！而且……你哋先鋒隊嘅存在，就係用嚟彌補我哋唔可以殺死對方呢一個問題。呢樣都係亞甘成立先鋒隊嘅原因，但我反對作出無謂嘅刺激，所以我最初冇加入先鋒隊。」姐姐解釋

「咁你收徒弟唔係都係同一個原因咩？」梓旻不理解

「我想徒弟係為咗保護自己，但係亞甘成立先鋒隊係為咗殺死對方。性質上唔同。」

敲門終於到所屬樓層，姐姐首先離開升降機並帶他們到處最裏面一間大房，房內有數張床及椅子，壹雄七子各自也在床或椅子上昏睡着。