[微血腥] 覺能之戰 (逢二、四、六更新): 謊言與隱瞞篇第三十五章：新高級隊長(五)

「呢一個係審犯嘅地方！我之前都冇機會嚟！」澈硯興奮的說，他表現得就像小孩子一樣興奮及開心，立即在房內到處探索

「師……師傅，我大概知道點解你會叫我同梓旻嚟，但係點解都會叫埋佢？」詡指着到處跑的澈硯道

「佢係你哋好朋友，知多少少會容易啲保護你哋。」姐姐簡潔的解釋完就走到Lina的床邊去

「你想我哋知啲咩？」梓旻問，他們跟著姐姐走到Lina的床邊，Lina沒有動靜，睡得非常安靜，但仍聽到她沉沉的打鼾聲

「我想你地知佢地七人嘅弱點，咁樣可以防止因為佢哋弱點而導致你哋受傷嘅可能性。」姐姐握住Lina的手道





「咁唔係咁好掛……」詡皺眉說，姐姐沒有回應，似也不打算回應

「我哋可以點樣知？」梓旻問完，姐姐伸出手，示意梓旻握著她。

梓旻握緊姐姐的手，另一隻手再握住詡，詡向跑來跑去的澈硯大叫：「喂！死過嚟啦！」

澈硯聽到詡的叫喚後立即跑過來握著詡的手，在那一瞬間，他們就像被旋渦捲進去一樣，四周的空間忽然扭曲。回過神來，他們站在某家人的庭院上，眼前是一間超級豪宅，耀皇城內的豪宅價值不菲，可以買得起這些豪宅的人一定非常富有。

「小姐！小姐！你要返學啦！」一青年女性追著一名身穿粉紅小裙的小女孩從豪宅中跑出





「唔返呀！我要玩！」小女孩光雙腿在梓旻等人面前跑過，似乎看不到他們的存在。梓旻立即明白他們現在應在Lina的回憶中

「做咩事咁嘈？」庭院的另一邊走來一個老人，他滿手都是看起來滿昂貴的戒指

「爺爺！佢迫我返學呀！」小女孩指責青年女性

「佢唔返咪唔返囉！迫咪迫？」老人中氣十足，他的聲量大得彷彿可以震穿耳膜

「但夫人……」青年女性想解釋





「唔好同我提佢！又窮又臭嘅垃圾，都唔知我個仔鍾意佢啲乜！除咗幫我生左個孫，都冇用！好討人厭呀可！」爺爺尋求孫女的認同

「係囉！係囉！媽媽最討人厭！」

雖說童言無忌，但站在青年女性身後裝扮頗高貴的女性一臉受傷的，可知那就是媽媽。