【科幻/哲學/愛情/甜故(可能有)】前世修生: 第一章：陰間遊

第一章：陰間遊



*************
「咦？前面係乜嚟㗎？」我向前行靠近，感覺好唔真實，周圍又有好多電視，亦都係有好多人，不過佢哋係冇重量嘅，感覺我都唔覺自己好重，只有21克。

「唔通⋯⋯我死咗？」我心入面起了疑雲。

「係呀，樂行！我係妳老婆！」係楚瑩！佢身穿住黑白色斗蓬衫，手持住勾魂畫戟同我講。



「楚瑩！」見到自己老婆就冇乜太大懷疑。

「老公，我宜家係黑白無常，專門為將死之人勾魂嚟受審，你⋯⋯驚嗎？」

「ok啦！妳宜家着到成個Kuromi咁！好可愛！」

「唉～～死咗都咁開心，都係俾你回下帶先啦，睇翻你今世點點滴滴啦！」

佢打開咗佢部平板電腦，個screen 嘅展示嘅係我由細到大嘅畫面。



「老公～～你有咁多女仔陪你，你開心啦！」楚瑩吋我道。

「18禁位就冇啦！」

「我想問，我可以上翻睇下佢哋嗎？」

「可以就可以，你睇完條片帶你上去！同埋唔可以留太耐，仲有唔可以留眼淚！同埋你第四十九日可以翻下屋企睇下你妹同你個女！」

「唔該！」



過咗冇耐，

「行啦！我同咗老細報備，話我去OT下！哈哈！」

「乜妳咁衰㗎！同嗰班呃OT錢嗰啲人有乜分別啫！」

「大佬呀！我朝九晚六幫閻羅勾魂咁準時都算係咁啦！」幸好自己嘅老婆唔係黎生。

「咁樣⋯⋯我哋算唔算係拍拖呀！」

「咁黑暗嘅拍拖就真係第一次見啦！」楚瑩笑了。

「到啦！呢個係你條屍，你可掂喺，不過唔可以留眼淚！」



「係！」

說罷，我望住陪伴我遺體嘅Helena(Edith係已經死咗嘅)，望見40幾歲嘅Helena，加上之前嘅記憶，我忍住唔喊，雖然自己心入面已經放低咗妹妹，始終自己最放唔得過係佢。要自己照顧自己，

「妳⋯⋯過得好嗎？」我對住扒喺自己對腳嘅Helena講，又隔住撫摸佢每一條髮絲。

「你都幾好命，我頭先喺你頭頂上睇曬，你老婆、你嘅小朋友、你嘅孫同埋我哋個女紫柔都有嚟見你最後一面！」楚瑩倍感感慨道，回憶起之前嗰啲冇人冇物嘅人嗰啲cases。

「我當鬼差都夠皮啦！都要投胎啦！走啦！到時有一刻鐘你見啦！」

「唔！」之後跟佢走，到閻羅受審，不過問題係，我信基督教啵，點解係閻羅嘅？？

「老公呀！係咁嘅，我知你想永生係咪？」

「係呀，so⋯⋯」



「咁只不過係喺陰間樂園或者你有悔意嘅就係喺天堂，你就以後唔可以同我一齊，仲有你以前雖然幫我搞基督教葬禮，我其實係去咗閻羅報道⋯⋯」

「所以⋯⋯sorry呀！」

「傻女，咁我可以去同閻羅求下情嗎？」

「睇心情啦佢！」

我之後被牛頭馬面帶到閻羅王面前，

「擡頭！秘書，宣讀！」

之後閻羅秘書就朗聲讀我嘅八字、死亡時間、生時事記等。



「閻王大人，小人希望您能夠讓我同您嘅員工楚瑩一齊回歸基督懷抱榮恩，望大人成全！」

「又唔使咁拘謹嘅！我知你倆都係教徒，不過你妻子係過分咗啲，所以我罰佢廿年幫我去勾五千個靈魂翻嚟，如今你係第五千零一個，所以我當然放你啦！」

閻王説話輕鬆又帶點威嚴，

「放人，楚瑩，辛苦你啦，搞掂咗就去人事部搞埋離職手續！」

良久，楚瑩唔再係陰間有限公司一員，着返一件白袍。

「咁我仲係咪尾七可上返去睇下佢哋？」我問。

「都可以！」

四十八日後，有另一個女仔陰間使者帶我上去，



好在佢哋冇整米粒或者麵粉喺地下之類，如果唔係有牌抹。

「老～～公～～」

「佢哋好牽掛你啵！」

「係㗎，我係佢老公嚟㗎嘛！紫妤！」

「佢為喊到成個枕頭，你見過乜？」

「咁⋯⋯」

「好啦，一刻鐘過咗啦！你唔可以再有牽掛，你要同前輩走啦！」少女紫妤提我真係要走啦！



****************
(下回待續)