簡介

未來生死戀續集 10.2上線





作者導覧


你到底相唔相信有前世今生、宿世姻緣抑或係投胎轉世呢?乜嘢驅使人去投胎?相信答案已經解開咗,鄧不利多校長講過:「係愛啊!哈利!」所以愛就係令到人去投胎嘅原因,愛有親情嘅愛,有男女之間情愛,有友情嘅愛,愛係人類守護自己最愛而進行投胎輪迴轉世嘅原因,因為人類係感情動物。但係……投胎轉世係隨機喎!

誠如標題所言,呢個係一個「前世修來福份後世享」嘅愛情故事,係前故樂行同楚瑩兩夫妻之間協定亦都係佢兩夫妻注定左嘅。樂行因有愧於楚瑩(同阿妹亂倫)所以佢就想下一世再做夫妻,佢哋死後就一齊投胎,人死後投胎理應前世記憶都會忘記晒,但係佢哋可以有返前世記憶,包括係佢哋喺上上世德國納粹時期希特拉嘅一段情同埋上一世樂行同楚瑩感情,總結來講佢哋呢兩段情都係冇好結果,一個就係結完婚就死,一個就係個老公亂倫導致夫妻唔太和睦,之後又老婆又病死。佢哋想喺下世挽回佢哋夫妻嘅感情,而且係為咗佢哋宿世姻緣至少要第三世都要有好結果掛!

呢一個下世故其實係我喺寫未來故之前有諗到嘅題材嚟嘅,不過你對未來嗰一個發展好有信心,所以就寫咗未來故先,跟住後來我喺未來嗰度加入咗樂行同楚瑩心靈對話已經係帶出左會有呢個下世嘅發展,其實我連佢哋愛情發展都未寫啊😂😂!!你可以理解成樂行為咗贖罪而引申到呢個故仔所一連串發生嘅事嘅,咁佢哋發展都會base on佢哋之前一世近似發生嘅事,譬如話一齊玩、一齊返學,如果前世故係刎頸之交嘅話,咁下世故就一定係歡喜冤家。佢哋可能會發生一啲搞鬼場面。

係啦,呢個故事發生嘅時空係22世紀即係公元2100年嘅香港,嗰陣時香港已經填晒海,嗰啲咩藍巴勒海峽啊維多利亞港呀都冇晒㗎喇,可以話香港已經成為一個半島叫做香港半島,長洲已經消失咗啦!你照搭地鐵就應該去到啦,嗰陣時嘅香港已經演變左成為city state城邦自治,奉行民主制度,有全民普選,應該都仲用緊廣東話掛,因為香港呢個城市受到外國劣質文化影響,劣幣正喺度驅逐良幣,以前政府容許劣質文化入侵香港導致影響到人民嘅正常生活、思想、語言使用。起碼喺2100年嘅香港比起佢哋之前喺香港好! !呢個故事嘅時空背景同未來故唔同,未來主要係講緊2060年嘅英國23歲嘅樂行發生嘅事,而呢個下世就會可能觸及到樂行佢哋由細到大嘅故事,所以編幅都可能會有啲長。





希望呢個導覽可以為大家有一個更廣嘅視野去睇呢一本小說,一本未來嘅又有人生哲學探討嘅愛情小說!


葵花籽 寫於 2022.5.9 02:55 香港
已有 0 人追稿